羲和雅苑

营业中

休息中

羲和雅苑⭐️驰名烤鸭⭐️张氏狮子头⭐️椰皇花胶炖鸡汤⭐️孜然羊架⭐️辛辣秋葵⭐️京式小笼包上星期同屋企人去左海港城嘅羲和雅苑食饭。椰皇花胶炖鸡汤系全晚最钟意嘅菜式。汤底清甜，椰子香味劲浓郁，饮完后感觉好滋润。片皮鸭有三种食法，第一种食法用鸭皮配爆炸糖，第二种系鸭胸肉配黄芥末，而第三种就系传统食法。烤鸭皮脆肉嫩，配上特制嘅甜面酱同青瓜，再卷住薄饼食，每一口都可以感受到烤鸭嘅油香，同时又唔会觉得油腻，好食。张氏狮子头大大粒，肉质松软，配上浓郁嘅汤汁，每一口都充满咗肉香。餐厅知道狮子头嘅味道比较浓，所以好贴心咁样配咗一小碗白饭俾我哋，呢一个服务真系要赞一赞。孜然羊架烧得刚刚好，每一块都烧到外焦内嫩，孜然味同埋羊味都好浓郁。京式小笼包皮薄馅靓，咬落去爆晒汁，对于钟意食小笼包嘅人嚟讲真系每一口都充满幸福感。