海南少爺 (已結業)

尖沙咀海港城呢间「海南少爷」主打新加坡菜🇸🇬 假日总系好多人排队 如果好彩仲可以坐海景位食 够晒chill🌊 招牌海南鸡饭 $108鸡肉嫩滑 饭粒软糯 油香满满 而跟配嘅清鸡汤味道清甜而不腻 值得一赞 炒贵刁 $98朋友唔食得辣所以拣咗唔辣 虾仁爽口弹牙🦐 河粉同油面镬气十足 夹杂芽菜同韭菜 增加口感👍🏻卤水拼盘 $148呢个拼盘可以一次过试晒佢地嘅猪手、溏心蛋、豆腐同鸡脚 全部都好入味但又唔会过咸 最出色系溏心蛋同猪手 肉松炼奶夹酥饼 $68第一次食馅料以肉松同炼奶做嘅印度薄饼 好新奇 饼皮口感酥脆 咬开后系咸香嘅肉松 夹杂由炼奶带出嘅甜味😋