翡翠拉麵小籠包 (已結業)

海港城有间新加坡连锁餐厅「翡翠拉面小笼包」专门食上海菜式，价钱都唔算太贵，装潢都唔错，几舒适。我地几个人点选左：「花雕醉鸡」、「上海小笼包1笼4件」、「上海生煎包」、「开洋葱油干捞拉面」、「清炖鸡汤拉面」、「雪菜虾仁炒饭」、「豆沙锅饼」。「花雕醉鸡$65」好香花雕酒味，啲鸡件都好滑，只系份量比较少。「上海小笼包$38/4件」皮唔太软唔太靭，值得一赞系好够热，皮内馅料连汤好鲜甜。「上海生煎包$39」表皮煎得刚刚好，食落好香口，肉质好鲜。「开洋葱油干捞拉面$48」好开胃既一道菜，肉碎粒同虾干都好惹味，跟面配上清汤一碗，可以伴面捞汤，推荐！「清炖鸡汤拉面$48」拉面份量略细碗，鸡肉可以炖汤后变得无咁滑，鸡汤都几入味。「雪菜虾仁炒饭$92」雪菜味好香，虾仁都唔少，整个饭都炒得干身，唔太油，唔太咸，推荐点选呢个炒饭。「豆沙锅饼$48」好香好脆身，锅饼中间豆沙有好多，唔会太甜，好好食。p.s.建议预先安排「叫起」，咁就可以食完主食先食甜点。「茗茶$8/位」