影片
更多
2010-08-30
14 浏览
27-8-2010睇了食友 sosoku 关于呢度的鸡饭食评, 几有兴趣, 是日到湾仔「下场」前专登早几个站落车嚟试试, 叫的亦当然系招牌「海涛鸡饭」($38; 跟例汤).例汤系西洋菜蜜枣煲猪展? 饮落清甜无 MSG, 火喉不错, 喺屋企以外饮到咁样的汤水, 几满足的. 「海涛鸡饭」其实即去骨鸡 + 黄色的饭, 配酸辣酱汁, 又名「疑似泰式海南鸡饭」 鸡汁饭偏干身, 食落带香茅及蒜味, 还不错; 去骨鸡件肉质一般嫩, 不过又有唔少骨胶原啫喱 鸡皮唔薄但食落算爽滑, 还不错. 垫底的有大量海藻丝, 食落实实的, 唔算好喜欢; 青瓜丝就腍得很, 质地似罐头 peach , 食落系单调的酸, 唯有放弃. 仲有旁边一小碟萤光橙色, 供蘸鸡食的酸辣酱汁, 不过绝对得个酸字, 好闷的味道.$38 一客, 可以一试, 不过试过就算了.P.S. 呢碟鸡饭当然食唔出 d 咩「醉人情怀」啦, 只系店名令我谂起细个时电视日播夜播的发型屋广告...
睇了食友 sosoku 关于呢度的鸡饭食评, 几有兴趣, 是日到湾仔「下场」前专登早几个站落车嚟试试, 叫的亦当然系招牌「海涛鸡饭」($38; 跟例汤).
例汤系西洋菜蜜枣煲猪展? 饮落清甜无 MSG, 火喉不错, 喺屋企以外饮到咁样的汤水, 几满足的.
「海涛鸡饭」其实即去骨鸡 + 黄色的饭, 配酸辣酱汁, 又名「疑似泰式海南鸡饭」 鸡汁饭偏干身, 食落带香茅及蒜味, 还不错; 去骨鸡件肉质一般嫩, 不过又有唔少骨胶原啫喱 鸡皮唔薄但食落算爽滑, 还不错. 垫底的有大量海藻丝, 食落实实的, 唔算好喜欢; 青瓜丝就腍得很, 质地似罐头 peach , 食落系单调的酸, 唯有放弃. 仲有旁边一小碟萤光橙色, 供蘸鸡食的酸辣酱汁, 不过绝对得个酸字, 好闷的味道.
$38 一客, 可以一试, 不过试过就算了.
P.S. 呢碟鸡饭当然食唔出 d 咩「醉人情怀」啦, 只系店名令我谂起细个时电视日播夜播的发型屋广告...
张贴
