Cull ’N Pistol Hong Kong (已結業)

沿住Soho East行到街尾见到Cull'N Pistol装修好有外国feel，半开放式餐厅可以带埋狗狗一齐嚟开餐，全餐厅用上浅蓝色座椅，坐响度望住鲗鱼涌海旁，仿如置身外国。一坐低店员送上餐牌话刚刚转咗新Menu，仲比咗张填色纸及颜色笔比仔仔。今次我哋点咗⬇️脆炸鱼块 $128🥢呢个无跟薯条又几好，因为次次叫炸鱼薯条都食唔晒啲薯条太浪费；呢款炸鱼细细旧唔驶切，炸得香脆，份量都几多。牛舌意大利饭 $168🥢老公最爱牛舌好淋有咬口，香甜南瓜味意大利饭每啖都有青瓜粒，感觉好fresh。芝士菠菜意大利云吞 $158🥢个芝士白汁好浓芝士味好creamy，云吞皮好出色。三重蛋奄列 $118🥢可选配两款材料，切开奄列有流心效果，配埋沙律菜及茄汁豆，假日brunch必吃。