小野人

营业中

休息中

将军澳海旁嘅餐厅出名chill，最近经过一间台式串烧店小野人KOKA，被佢地既串烧香气吸引左，决定入去试试佢。一入到餐厅，佢地既装修已经吸引住我，精致而又舒适既环境，非常之干净，无普通串烧店既油烟弥漫感。每一枱都有一个小铁炉，就算叫几多野食都唔怕摊冻左。我地嗌左一堆串烧，拣左几野我觉得特别出色既同大家分享下。墨西哥烤玉米好独特嘅风味，沙律酱同辣椒粉令呢个粟米变得更有层次，食落甜辣，好开胃。厚切牛舌芯牛舌芯切得厚，口感超嫩滑，入面啲肉汁好丰富，牛味都几重，钟意食牛舌一定要试下。烤脆鸡皮鸡皮烤得好香脆，咸香适中，送酒一流。台湾小香肠我最爱既台湾肠，食落甜甜地，爆多汁，同台湾食既味道一样。Q弹大鱿鱼我个人极力推荐，大鱿鱼够Q弹，嚼劲十足，最重要佢个味道调得好好味。蒜蓉烤生蚝【必点推荐】生蚝好鲜甜，蒜蓉嘅味道提升咗佢嘅鲜味，的确系必点之选。蒜蓉烤茄子【人气推荐!】呢个蒜蓉烤茄子真系香到不得了，软滑入味，难怪咁多人推介！夏威夷烤菠萝大大块烧菠萝，甜酸适中，用嚟解腻一流。糖烤牛奶方包钟意食甜野既人必点，方包烧到外脆内软，甜甜地超好食。小铁锅蒜蓉金针菇金菇索哂蒜蓉汁，劲香，食落口感爽滑，份量亦十足，