JOMO Kitchen & Health Hub (已搬遷) 新店位置

一直都好想试下呢间cafe，但系成日都排长龙。咁啱今日放假，就早啲过去叹个brunch。个环境真系好chill，地铺但系唔怕隔离又车又人又逼，可惜而加疫情唔想坐露天位食饭，如果唔系就可以吹住海风叹杯咖啡。威士忌木桶烟熏鲑鱼忌廉芝士酸种面包烟三文鱼配Cream Cheese呢个配搭一啲都唔陌生。烟三文鱼既烟熏味好香，唔系得个咸字，因为佢系碎上，加上本身啲鱼比较油润，入口好creamy。面包烘得啱啱好，唔怕块包越食越韧，但系又唔会太硬。睇落好似唔系好大份，食完发现好饱，brunch黎计份量足够。Latte食完正餐之后饮就觉得唔太特别。好饮既，只系唔特别。呢个价位，如果唔系半自助就更好。