ReDivine (CAPRI Place) (已結業)

第一次走到黎将军澳海滨觅食🤓天气凉左想食少少辣野🤏见到呢间泰菜几岩心水～价钱以呢个质素黎讲几中规中矩👍餐厅环境其实几chill, 近门口位有几张摇摇椅架，而且仲有室外座位，几东南亚风情～一黎就嗌左两个starter, 有厨师发办炒蚬&原条烧鱿鱼。蚬肉够鲜，加上小辣嘅泰式汁，系必推嘅开胃头盘！原条鱿鱼真系冇讲大话，真心劲粗劲大嘅一条，泰式香料再吱啲青柠汁，酸酸辣辣同样超开胃呀～鱿鱼烧得够腍，唔会咬到牙骹软！用蒸炉装嘅黑松露薯条，份量劲多，黑松露酱都好够，食泰菜都不忘要嗌啲fusion西式野主菜：西班牙猪肋骨．小火山⛰啲猪肋骨真系一块块推砌上去，肉质非常腍，一咬离骨辣度小过头两款starter, 如果系芫茜爱好者尤其会对呢个主菜加晒分，因为啲汁都几香芫茜味架👍