影片
更多
2006-08-08
132 浏览
上次系呢度食过一次超满意既淮阳菜,今次再黎多次。大部份客人都选择buffet为晚餐,相对呢度同日本菜就人少好多,呢样更合我心意,唔会嘈丫嘛!!我地被安排坐古色古香梳化位,正到飞起!!! 先送每人一客鸡丝翅+干烧大明虾:翅汤几好味,但唔系太见到有鱼翅啰;大明虾改为唔辣,味道的确无咁惹味,虾几大只,肉质ok。冷盘:蟹籽熏蛋有烟熏味中间有糖心,但唔系我钟意long long下质感个款,事实都几好食但有少少失望lu;七彩拌西芹味道清清地,爽口之选;脆瓜海蜇头呢个普通,青瓜好食d;花雕醉鸡呢个好得,除左一只全翼仲有我钟意既鸡胸!!今次浸得好入味,鸡肉好滑,酒味浓,只可惜太饱,唔可以encore!小菜: 糟炒桂鱼片份量唔少,鱼片好厚又几多,西芹够嫩,味道几好但较咸,美中不足!!金腿丝扒小棠菜好清,用上汤浸熟既菜鲜甜,唔错。点心:红油水饺=辣酱油拌凤城水饺!!水饺有虾有猪肉有云耳,口感爽脆但辣油真系好辣,食到her her声!!花素蒸饺,饺皮好淋,味道好淡,呢个麻麻地。甜品:杏仁豆腐个人唔钟意个种杏仁味同大菜糕口感,觉得质感几硬,食左几粒,点知大人好钟意㖞!!!不断话好味好味,好杏好杏!! 红豆蓉擂
大部份客人都选择buffet为晚餐,相对呢度同日本菜就人少好多,呢样更合我心意,唔会嘈丫嘛!!我地被安排坐古色古香梳化位,正到飞起!!!
先送每人一客鸡丝翅+干烧大明虾:翅汤几好味,但唔系太见到有鱼翅啰;大明虾改为唔辣,味道的确无咁惹味,虾几大只,肉质ok。
冷盘:蟹籽熏蛋有烟熏味中间有糖心,但唔系我钟意long long下质感个款,事实都几好食但有少少失望lu;七彩拌西芹味道清清地,爽口之选;脆瓜海蜇头呢个普通,青瓜好食d;花雕醉鸡呢个好得,除左一只全翼仲有我钟意既鸡胸!!今次浸得好入味,鸡肉好滑,酒味浓,只可惜太饱,唔可以encore!
小菜: 糟炒桂鱼片份量唔少,鱼片好厚又几多,西芹够嫩,味道几好但较咸,美中不足!!金腿丝扒小棠菜好清,用上汤浸熟既菜鲜甜,唔错。
点心:红油水饺=辣酱油拌凤城水饺!!水饺有虾有猪肉有云耳,口感爽脆但辣油真系好辣,食到her her声!!花素蒸饺,饺皮好淋,味道好淡,呢个麻麻地。
甜品:杏仁豆腐个人唔钟意个种杏仁味同大菜糕口感,觉得质感几硬,食左几粒,点知大人好钟意㖞!!!不断话好味好味,好杏好杏!! 红豆蓉擂沙汤圆好烟un,红豆蓉好滑,好味;豆沙锅饼小小2件,饼皮香脆,豆沙都系好滑但稍油;桂花酒酿汤圆,全晚唯一encore之选,桂花味好香,汤圆皮好滑好烟un,芝麻馅劲香,呢个真系好得!!
呢度菜式出品几高水准,不过d调味料更有水准,点饺子/鱼翅既醋已经有分别,但2种都好香,好想加d蜜糖食埋佢!!另外碟豆瓣酱够香又唔太辣,好鬼好味!!!问侍应弟弟有无得买走??只可惜无啰!
食到饱饱,唔驶2分钟上到房间继续睇电视,超舒服!!
张贴
