影片
更多
2021-12-17
1737 浏览
店名称为「海神」，够霸气呀，同老友嚟食餐好嘅，多谢番佢哋之前嘅帮忙。其实，人生里面有啲好兄弟，真喺种福气，等疫情过后，有机会都希望搞番多啲一班兄弟嘅死佬饭局。餐厅位处商厦4楼，地方比想像中大，装修摩登型格，气氛轻松。而入门右边喺一字长形全部卡位，梳化椅设计，舒服好坐，又够大张阔落，喺三几个老友饮吓嘢、食吓饭聚聚嘅好地方。 此外，入门口左边就喺平台嘅露天位，布置咗好多灯饰同一啲光效，非常啱近排嘅天气，清清凉凉，感觉爽朗，故此，目测所见，都坐满晒客人。我见佢哋设置咗一啲暖气装置，就算再凉少少，坐出去都仲OK。 既为酒吧餐厅，当然，饮品会多元化好多，尤其酒精类嘅选项就特别多，翻一翻，由红白餐酒、香槟、啤酒、特色嘅鸡尾酒、各种烈酒……一应俱全，而照顾到唔饮得酒嘅客，更有无酒精鸡尾酒、梳打、果汁、以及啡茶供应。见叫杯梳打都$68，所以，不如试吓啲无酒精鸡尾酒啦。 Tropical Princess $88称得「热带公主」，梗有好多热带水果，餐牌已烈明以热情果、菠萝、香橙、柠檬、薄荷、茶沟成，大大杯，仲加咗少少蓝莓做装饰。某程度都几似杂果宾治，入口酸爽清新，配一阵所食嘅薯皮、德国肠都几夹。Amaz
餐厅位处商厦4楼，地方比想像中大，装修摩登型格，气氛轻松。而入门右边喺一字长形全部卡位，梳化椅设计，舒服好坐，又够大张阔落，喺三几个老友饮吓嘢、食吓饭聚聚嘅好地方。
此外，入门口左边就喺平台嘅露天位，布置咗好多灯饰同一啲光效，非常啱近排嘅天气，清清凉凉，感觉爽朗，故此，目测所见，都坐满晒客人。我见佢哋设置咗一啲暖气装置，就算再凉少少，坐出去都仲OK。
既为酒吧餐厅，当然，饮品会多元化好多，尤其酒精类嘅选项就特别多，翻一翻，由红白餐酒、香槟、啤酒、特色嘅鸡尾酒、各种烈酒……一应俱全，而照顾到唔饮得酒嘅客，更有无酒精鸡尾酒、梳打、果汁、以及啡茶供应。见叫杯梳打都$68，所以，不如试吓啲无酒精鸡尾酒啦。
Tropical Princess $88称得「热带公主」，梗有好多热带水果，餐牌已烈明以热情果、菠萝、香橙、柠檬、薄荷、茶沟成，大大杯，仲加咗少少蓝莓做装饰。某程度都几似杂果宾治，入口酸爽清新，配一阵所食嘅薯皮、德国肠都几夹。
Amazon Forest $88夏总就选上「亚马逊森林」，以接骨木花、青瓜、柠檬、梳打沟成，再加一抹薄荷叶做装饰，感觉非常清爽，未饮都觉得凉快，同样衬晒一阵间啲重味食物。
食物嘅选择亦多元化，唔会得三几款嘢，包括汤品、小食、生蚝、海鲜拼盘、精选头盘、汉堡、比萨、意大利面、意大利饭、主菜、甜品，可以讲够晒全面。
够人多嘅话，又钟意食吓生蚝、冷盘嘢，可以考虑呢一艘「海神珍珠号」㖞，够霸气，又包咗多款冷盘美食。
啲餐具都好型格，尤其只碟，金铜色好抢眼，兼刻埋餐厅名。
海神珍珠号 $698捧到嚟真喺好架势，成只水晶船，再加埋啲灯效，以及冰雾，星光闪闪，犹如飘浮海中。而每款美食都独立以小杯盛载，既好睇，又方便食用，而4款食物包括：新鲜生蚝杯 x 12、血腥玛莉鸡尾酒大虾杯 x 4、蟹肉酱汁鲍鱼配鱼籽杯 x 4、金箔鱼籽酱泰式蟹肉杯 x 4，好适合3-4人共享。
海神珍珠号
$698
13 浏览
2 赞好
0 留言
新鲜生蚝杯最别开生面喺，佐食嘅唔喺平常嘅柠檬角，而喺三款特色酱汁：麦威士忌、清酒芥末汁、柚子香槟汁。据店员介绍，生蚝都喺嚟自南非，小弟就先净食一只，试试生蚝本身嘅味道喺点，生蚝入口口感比较黏，蚝味余韵长，海水味重。而几款酱汁，小弟较爱柚子香槟汁，因为味道清爽，更平衡蚝嘅海水味。
血腥玛莉鸡尾酒大虾杯呢一款冷盘晌口少西餐中都有出现，上次晌「唯港荟」食英式下午茶时都有遇到。个蕃茄汁调校的浓郁而酸香，大虾则鲜爽弹牙，沾上酱汁，虾味更突出。而且，啲汁唔好嘥，配生蚝亦好正。
蟹肉酱汁鲍鱼配鱼籽杯虽然话喺蟹肉酱汁，但讲真，真喺唔多觉，不过，啲鲍鱼煮得几入味，软腍得嚟有少少烟韧感，下面垫有满满嘅鱼籽，卜卜脆脆咁。
金箔鱼籽酱泰式蟹肉杯4款冷盘中，呢一款蟹肉杯喺最得小弟欢心，因为小弟钟意食蟹，却唔多喜欢拆蟹，麻烦嘛。杯面加咗黑鱼籽及香箔，已经显得好有贵气，而满满鲜甜嘅蟹肉配上清甜多汁嘅柚子肉，拌以泰式调味，无论味道、口感，都喺一流。
海神珍珠号
42 浏览
0 赞好
0 留言
香烤薯皮 $88食完一大堆冷盘，份烤薯皮就啱啱好送上，暖番吓个胃，哈哈！一客有4件，件件都烤到金黄，香味扑鼻，面面仲加有大量莫沙里拉芝士同烟肉碎，份外惹味。佐以忌廉忌伴食，啱晒我，令薯皮食起嚟添加一份酸爽感，感觉无咁滞腻。
香烤薯皮
$88
23 浏览
0 赞好
0 留言
德国猪肉肠拼盘配薯蓉及酸椰菜 $218晌餐牌上，睇中文就摆明车马喺德国肠，但再睇睇英文翻译就见猪肉肠喺嚟自有德国同奥地利，当中包括Frankfurter（德）、Nurnberger Pinwheel（德）、Kasekrainer（奥），前两者法兰克福肠及纽伦堡肠都听过吓，而最后者真喺未听过，晌网上都揾唔到中文译名，每款肠均有两条，拼埋薯蓉及酸椰菜，份量十足，无3、4个人都唔好叫呀！
德国猪肉肠拼盘配薯蓉及酸椰菜
$218
21 浏览
0 赞好
0 留言
Frankfurter直身短啲𠮶条就喺法兰克福肠，比较传统嘅德国肠，食热狗就成日见，喺三款肠中比较普通嘅一款。不过，食落肠衣脆口，肉质挺实，唔会好似啲平价肠咁削身，食得出都喺靓货。
Nurnberger Pinwheel一般纽伦堡肠都喺直身，不过，呢次就做成螺旋形，卖相就够使抢眼。煎得香口，肠衣同样好脆口，而味道带多一点香料嘅香味，咬落亦富肉汁。
Kasekrainer最长最大条就喺佢喇，而最大特色喺肠内加咗啲粒粒芝士，故此食落有阵阵芝士香味，而睇样就知外皮又喺好脆口，直情脆到「爆」呀！顺带一提，薯蓉保留少少薯粒，所以，食落幼滑得嚟，又有部份喺有啲咬口感。
布朗尼配云呢拿雪糕 $108友人话无甜品结尾就总喺差少少，布朗尼喺大家嘅心水，店员话佢哋嘅布朗尼喺即叫即焗，所以，最好预早少少落单。一客有4件布朗尼，除配有雪糕，仲伴有鲜尼廉同杂莓。雪糕就无乜特别喇，但件布朗尼好掂，热烘烘，配雪糕产生冰火之效，而朱古力味劲浓郁，挺实却又无话干晒身嘅毛病，内有好多脆口嘅合桃粒，正呀喂！
布朗尼配云呢拿雪糕
$108
7 浏览
0 赞好
0 留言
今餐真喺大满足，除咗环境好，食物有水准之外，招呼亦好熨贴。原来卡位呢边尾尾仲有个厢房，真喺适合一班老友嚟搞吓聚会或者生日会。
张贴
