影片
更多
2015-12-06
1428 浏览
荃湾，一个好多美食既地方。主打既都唔系昂贵既餐厅，而系一些小本经营既餐厅。往往就系呢一类既餐厅，成日都比到人惊喜，所以我地成日系荃湾寻美食。日前又去左果头"揾食"， 行下行下就去左华都商场，就系荃丰商场一直行过去，连住几个商场都好多野食既其中一个商场。相信荃湾友都唔会陌生。行过见到一个好醒神既餐厅名吸引住 （佢连住有两间铺，好易揾），{享丼丼} 个名真系够哂霸气。 系门口睇menu见到价钱唔算贵，野食又好似几岩我地胃口，就试下。就系呢个招牌！坐低睇餐牌，侍应同我地讲话做紧promotion只要like佢地facebook page就可以用半价优惠叫一板海胆。原价98蚊既海胆49蚊就有一板。系$49 蚊啊！即刻叫左我地心谂咁平会唔会好难食，始终海胆唔新鲜会又苦又腥架嘛 （您懂的）！当我地食左第一啖，脑海前一刻既想法立即消失左。海胆明显不是最佳既货色，但系入口有海胆既甜味，而且一点腥味都没有。以49蚊可以食到呢个质素既海胆，仲有咁大板，极抵！海胆旁边有三块青瓜，但我地建议就唔好咁伴海胆食。因为本身海胆味道唔算劲浓，加上青瓜会冲淡左。唯一可以改善既，如果将青瓜换左系紫菜就
行过见到一个好醒神既餐厅名吸引住 （佢连住有两间铺，好易揾），{享丼丼} 个名真系够哂霸气。 系门口睇menu见到价钱唔算贵，野食又好似几岩我地胃口，就试下。
就系呢个招牌！坐低睇餐牌，侍应同我地讲话做紧promotion只要like佢地facebook page就可以用半价优惠
叫一板海胆。原价98蚊既海胆49蚊就有一板。系$49 蚊啊！即刻叫左
我地心谂咁平会唔会好难食，始终海胆唔新鲜会又苦又腥架嘛 （您懂的）！
当我地食左第一啖，脑海前一刻既想法立即消失左。海胆明显不是最佳既货色，但系入口有海胆既甜味，而且一点腥味都没有。以49蚊可以食到呢个质素既海胆，仲有咁大板，极抵！海胆旁边有三块青瓜，但我地建议就唔好咁伴海胆食。因为本身海胆味道唔算劲浓，加上青瓜会冲淡左。唯一可以改善既，如果将青瓜换左系紫菜就真系完美。
我地见到一个晚餐套餐，$85蚊有前菜，小食，主菜再加野饮。以日本菜黎讲，可算系相当平。但最紧要既都系味道。我地叫左两个套餐，叫左 [牛肉稻庭乌冬] 同 [厚切三文鱼刺身饭]， 前菜都系叫左杂锦刺身，感觉好似抵d。杂锦刺身有两块三文鱼刺身，一块八爪鱼刺身，一条蟹柳加一粒带子仔。
三文鱼，无雪味，几新鲜。 带子仔虽然超细粒，但系味道都算鲜甜。而八爪鱼同蟹柳一般货色，不作评论。
[厚切三文鱼刺身饭]：有惊喜既鱼生饭。 首先厚切既三文鱼新鲜，丰富鱼油香味。再来，当我地以为85蚊既刺身饭，只会系刺身放在白饭上就算，就错了。 饭本身已加左醋，有微微既酸味，相当开胃。最惊喜既竟然加埋饭素落去，令成碗饭既味道又再提升左，相当惹味。呢一碗厚切三文鱼刺身饭在最重要的刺身方面已经非常到位，再加上在细节亦有落足心机，抵赞。
[牛肉稻庭乌冬]：首先一定要讲下个汤底，汤底用既应该系酱油汤底，但饮落去唔会太咸，清清地感觉几舒服。 牛肉份量激多，食极都仲有。佢用既系稻庭乌冬，烟烟韧韧，唔系平时果d cheap cheap乌冬。
而小食我地分别叫左[芝士孖宝]同[七味炸鸡]。
先讲芝士孖宝 ［图下］ ，孖宝就系芝士春卷同芝士薯饼。芝士春卷真系令人失望，原以为春卷入面既会系流心芝士。点知咬落去好似系包住芝士年糕之类既物体，无芝士之余，口感亦不太好。相反，芝士薯饼就对板好多，芝士味非常香浓。
七味炸鸡 ［图上］： 炸鸡唔鞋，可以接受。点上旁边既蛋黄沙律酱可减油腻。
总括黎讲，享丼丼的环境可以话一点日本餐厅既味道都冇。但系食物质素出色，在细节方面都有落足心机。睇得出系用心既小本经营餐厅。 宜家仲有promotion可以＄49食到一板质素不错既海胆， 推荐比大家!!!!
题外话/补充资料：
Like facebook page就可以用半价$ 49蚊优惠叫一板海胆 (原价98蚊)。
(以上食记乃用户个人意见 , 并不代表OpenRice之观点。)
张贴
