北海道爐端燒 (已結業)

网上面见到大家话呢间海胆好抵食，一行三人慕名而嚟，又的确真系抵食㖞！同时我地有叫刺身拼盘，所以就一齐上，都几靓。海胆卖到呢个价钱，估唔到都几新鲜，都无腥味，仲有啲鲜甜添！夹住紫菜食，唔错其他刺身都新鲜又厚切，好味呢度主打浜烧，餐牌有两页都系浜烧，我地叫咗3只虾，$50几蚊只，坦白讲，又细只又平平无其，非常唔抵食失望！一向我都好钟意食明太子蛋卷，呢度就整得丑样咗啲啦，个蛋烂咗，又可能明太子多得滞，包唔晒不过味道唔错既。店员推介招牌炸鸡，又的确唔错㖞，味道好浓，稍为咸咗少少，不过炸粉唔多，鸡肉嫩口，都几好食三文鱼腩就真系同餐牌个样差好远⋯味道不过不失啦⋯后加单个招牌炒面，等咗好耐，而嚟到食落系超级咸⋯又干，唔好食另一个失望菜式，只系煮熟咗莲藕加啲甜酸酱⋯同辛辣莲藕个名好唔配，呢道菜未免太hea太求其了。我点咗杯橙汁蜜桃酒，饮落只有橙汁味偏甜啲咁，唔太觉有酒。总括而言，呢度既海胆同其他刺身都值得食，不过以外既食物，尤其浜烧真系不值一提。