九州市場 (已結業)

曾几何时, 呢度同位于山林道既大寿日本料理, 都系公司饭堂(尤其系后者, 我地一班同业都经常碰口碰面, 可惜经营上多番变动, 熟悉既面孔相继离去, 食品质素下降, 我地惟有转场, 唉！)讲番九州, 今次10点后去到, 已经系late dinner时段, 下层地铺冇人坐, 上层都只系坐著6,7台客, 可能因为人少关系, 整晚既服务相当唔错！两枝公叫左两款刺身, 分别系油甘鱼同海胆, 辣酒煮翡翠螺, 汁烧银雪鱼, 鳗鱼炒饭, 甜品我地order左菠萝雪葩同vanilla雪糕。两款刺身好新鲜, 特别系个d海胆, 份量系足足一大板, 又甜又甘香, 真系ichiban！辣酒煮翡翠螺d汁好甜好辣, 螺肉好味得黎够咬口, 每一口都系享受(自从品味一族折左之后, 可以食螺既地方越黎越少, 起码要好食又唔会肚泻丫嘛), 汁烧银雪鱼好甜好滑, 鳗鱼炒饭同甜品就冇乜惊喜, 一般货色咁啦, 埋单hkd570. 合理！