桜

营业中

休息中

元朗真系好多寿司手卷店，多到会令到你系6度冻到震既天气都会不自觉地想食番件。每次经过樱手卷都总会见到门口企左不少等食物既客人，而樱手卷主要系卖手卷，刺身既。今日终于去试下到底系咪真系咁好食，叫左一个马冀海胆手卷，一个三文鱼手卷，由于天气太冻所以决定外卖拎番屋企食。拎番屋企都怕紫菜会变淋，但番到屋企打开发现紫菜原来系独立包装，食既时候先自行拆开包住饭团，感觉卫生而且可以keep到紫菜既脆感。另外要赞既系手卷既饭拎上手仲系微微暖，唔会话冰冻，食落口仲系软硬适中，食得出唔系摆左好耐摆到硬晒又冻晒既饭。屋企人叫既马冀海胆食到鲜甜，唔会有腥味，连我唔系特别喜好海胆都觉得可以一战。仲比人怪我咬得太大啖食晒添呀！三文鱼手卷虽然唔系好味到哇一声，但都有好香既鱼油味，最重要系食落唔系冰冻既口感，最怕就系食d冻冰冰既三文鱼。整体黎讲呢间手卷出品唔错，价钱唔系话最平，但出品对得住个价钱，下次有机会一定再试。