富士山55 (拉麵沾麵專門店) (已結業)

星期六夜晚九点几收工，同同事谂有咩地方好食晚饭，因为铜锣湾通街餐厅都要排队，最后嚟咗呢间沾面店，虽然都系要排队，不过相对冇大街咁多人。因为呢间餐厅嘅位置比较偏僻， 嚟得呢度排队都系识食，同埋做过资料搜集嘅，呢间餐厅附近都冇店铺可以逛，所以应该好少walk in客。门口排队已经见到大海报写住推介双色海胆沾面，不过价钱都唔平卖紧298蚊。 最后同同事决定，两个人share一个沾面，再加廿蚊食芝士饭，因为大家都系芝士控叉烧薄过纸不过好食，海胆数量如果可以再多啲就好喇，相反芝士饭嘅份量十足，我哋两个都争啲食唔晒，不过食过一次，下次可以唔使再叫，因为食完真系好漏。总括都可以再encore