Operetta (已結業)

间唔中豪少少食一餐， 个人都开心啲呀！今次嚟到金钟Pacific place, 试呢间餐厅。见到个价钱都并唔平，咁就梗系要拣自己最钟意食嘅嘢啦。拣咗呢个名字有啲普通，但原来用料上乘嘅卡邦妮意粉。呢个意粉原来用咗海胆糟质，唔怪得知一食落口就有海胆浓烈嘅鲜甜味，超级惹味。不过唯独系意粉煮得唔够淋，硬到中间好似有少少未熟咁，我都吓亲添。Burrata cheese系我最近爱上左嘅芝士，好钟意佢嘅羊奶味道少少膻，质感独特，既可以拉丝，烟烟韧韧，但又好似有啲watery咁，好特别！