影片
更多
2009-08-20
333 浏览
迟来的食评~~~刚刚执电脑既相，先抽起条根想写下呢个食评。因为我觉得呢度几值得推推推，而且季节限定，只有冬天或较凉既天气先arm食海胆，亦系轻松下既好地方。当日系复活节期间，一行3个女仔发癫，山长水远要去食本土出产既海胆。由旺角塔小巴到西贡，再转船到养殖场全程大概1.5个钟。养殖场附近无咩其他景点，除非你对行山好有兴趣啦！如果唔系都无咩野好做，只系食食食！一落船就一支箭走去揾位坐低，沿途都有养殖场既广告横额，推广即开海胆$24买一送一。一坐低，发觉枱上有个盘装住只活生生既海胆君。因为系第一次见，都咪话唔惊，最惊佢会爬出黎hahahaha~~原来呢只品种既海胆系唔吉手ga！紫紫红红色的好可爱！同佢混孰左之后，我地三个终于舍得叫野食。我地叫左：海胆春卷、海胆蒸水蛋、海胆炒饭、四只粉丝蒸扇贝、一打海胆刺身。落order后，店员上左d脆鱼小食比我地食住等，果d鱼仔我包你食过上瘾，除非你一d腥味都唔受得。鱼仔脆卜卜的，而且鱼味十足，size都十足！苏脆无骨~~~唔似系supermarket买到果d日式鱼仔甘痴立立，甜爷爷。之后问个店员有无得卖，佢话卖晒，下次去之前比个电话佢地落订~~~可惜~~~
当日系复活节期间，一行3个女仔发癫，山长水远要去食本土出产既海胆。由旺角塔小巴到西贡，再转船到养殖场全程大概1.5个钟。养殖场附近无咩其他景点，除非你对行山好有兴趣啦！如果唔系都无咩野好做，只系食食食！
一落船就一支箭走去揾位坐低，沿途都有养殖场既广告横额，推广即开海胆$24买一送一。一坐低，发觉枱上有个盘装住只活生生既海胆君。因为系第一次见，都咪话唔惊，最惊佢会爬出黎hahahaha~~原来呢只品种既海胆系唔吉手ga！紫紫红红色的好可爱！同佢混孰左之后，我地三个终于舍得叫野食。我地叫左：海胆春卷、海胆蒸水蛋、海胆炒饭、四只粉丝蒸扇贝、一打海胆刺身。
落order后，店员上左d脆鱼小食比我地食住等，果d鱼仔我包你食过上瘾，除非你一d腥味都唔受得。鱼仔脆卜卜的，而且鱼味十足，size都十足！苏脆无骨~~~唔似系supermarket买到果d日式鱼仔甘痴立立，甜爷爷。之后问个店员有无得卖，佢话卖晒，下次去之前比个电话佢地落订~~~可惜~~~
上菜速度好快，可能唔系旺季，唔系好多人！
海胆刺身：上枱时仲系 ”旭”ga …虽然系就系好新鲜，但都几核突…佢系即开即食，要用匙括出黎食。一只有六片新鲜海胆。味道方面，如果你要同北海道比较的话，紧系唔好食啦…但比元禄 / 元气呢d sushi店，呢度既海胆真系比到我地惊喜！除左季节性影响外，都睇你好唔好彩la，有d海胆一味海水味，但有d有淡淡的海胆鲜味，有d直情浓味到你唔信自己食紧$24两只既海胆刺身！
海胆春卷：即叫即炸即食既关系，脆卜卜，热辣辣的，咬一啖发现虽然春卷幼身，但充满晒海胆，绝不欺场！熟左既海胆有少少似咸蛋黄味。
海胆蒸水蛋：好痴线既蒸水蛋，海胆唔洗钱甘，多到密铺平面，呢个送饭无得顶，无奈我地食唔落白饭…美中不足既系d水蛋唔够滑~~~
海胆炒饭：之前既已经够晒惊喜，呢个可平伏一下高涨既情绪。海胆唔多，仲有镬火农味！饭炒得唔够甘香。宁愿下次唔叫呢个，叫白饭捞海胆蒸水蛋好过…
粉丝蒸扇贝：嗯…可能香港越来越多食海鲜既地方，呢个扇贝真系无咩特别，又唔系特别鲜甜，可以唔洗叫，悭返个quota叫过第二d好过！
总结而言，呢度系消磨一个下奏既好选择，游下船河 / 行下山，感受下宁静既渔村生活，同三五知己谈天说地，比你好relax既一个地方！海胆必然系主角！尤其系海胆春卷&海胆蒸水蛋，而店主自家制既脆鱼小食又一惊喜之选~~~朋友们已经决定下年再黎一定要再encore呢两样！但其他海鲜就只系配角…
对于海胆，请用made in HK既心情黎面对会有惊喜，如果用果d $600一只既北海道海胆黎比较既话，你定必失望。希望下次去会有高水准既海胆新菜式，以及加d例如参观古迹，水上活动…或者船既班次密d…等等，总之唔好净系食同食完等船走的话，一定会再吸引多d人黎~~~
张贴
