大吉居酒屋 (已結業)

约咗旧同事一齐食晚餐~大家都喺中环返工~所以决定喺中环食日本嘢~去咗呢间大吉~好有日本居酒屋feel~好正宗咁~坐低咗之后~热情嘅店员都有推介我哋食咩~前菜拣咗高汤海胆啫喱~好好味~高汤啫喱唔会盖过咗海胆，反而带出咗海胆鲜甜~推介啊~深海池鱼刺身~其实我好小食鱼生~但同事话系正嘢~见到佢又咁靓~薄薄哋好似巧刀功咁~几鲜~唔腥~又ok㖞~日本关东煮锅~天气冻冻哋~店员推介我哋食嘅~有萝卜、蒟蒻、竹轮、福袋等等...我就最钟意食佢个萝卜同福袋~萝卜好林吸晒啲汤嘅精华~好入味~而福袋里面充满林林哋嘅年糕~食落去inin unun咁~好得意~蒟蒻都好有口感架~最后仲有软壳蟹牛油果卷~切得大细适中~牛油果好多~软壳蟹唔会林咗~好脆好好味~呢个卷仲附送咗一啲姜片~店员特别叫我哋试吓~我系好怕食姜嘅~见佢讲咗2次话好味~我就试吓佢啦~都系姜味，但带点儿酸~可能用意系比我哋消滞~都唔差嘅~食完呢间大吉好满足~临走仲比咗现金卷我~值得再嚟食过~