初味

营业中

休息中

今晚同5个好姐妹黎左聚餐倾下黎紧Big day既安排~所以想揾间坐得舒服又静静地既餐厅一齐食个饭5个女仔其实都叫左好多野食...不过有我系度又点会食唔哂呀我地叫左紫苏酱波菜配牛腹肉沙律、鹅肝酱多士、黑松露薯条、日本带子海胆烧、海胆意大利饭、黑松露意粉配烧带子、肉眼扒等等...沙律比想像中大份，仲有劲多烧香左既牛腹肉围住，真系睇到都流哂口水....波菜好嫩滑，配合紫苏酱酸酸地真系好醒胃，牛腹肉有烧过所以有少少焦香味，牛腹肉肉质幼嫩富有香浓牛味。带子海胆烧同海胆意大利饭都好抵食...海胆非常鲜甜，特别系带子海胆烧，烧过后既海胆原来都好好味，好香好Creamy，带子都好厚肉。黑松露意粉除左有浓厚既忌廉味之外仲有好重黑松露味，钟意食黑松露既话真系唔好错过。