Felice Cafe & Pasta (已結業)

銅鑼灣近日都比較冷清，但係仍然都要支持一下黃色經濟圈嘅～兩碗是日餐湯係粟米湯🤤一飲就知道佢係唔係罐頭，而係飲到好多絞碎左嘅粟米蓉味道啱啱好唔會太咸主菜唔少得呢度特別嘅海膽黑松露忌廉汁扁意粉!喺西式餐廳好少食到海膽，所以一定要一試!唔好睇佢份量好似好少咁，食一細啖海膽嗰陣味濃烈到會一直留喺口腔入邊！黑松露汁非常濃郁，仲係扁意粉可以掛住晒啲汁😚另外在叫咗芝士巴馬火腿火箭菜薄餅，餅底偏向脆餅乾嘅感覺! 個人好鍾意火箭菜一啲都唔苦啊~建議要快啲食如果唔係個餅底就唔脆喇😆嘢飲仲叫咗芝士奶蓋百香果汁🍹芝士奶蓋好綿密，甜度適中旁邊嘅係天然嘅蝶豆花製造出紫色嘅效果，其實係白桃梳打！🍑