鮨幸 (已結業)

今次系我第二次食omakase，由于上次食完实在太难忘啦，所以就决定再战。今次朋友揾嘅呢间鮨幸又系喺铜锣湾，不过今次就食豪啲，食个海胆全宴，哈哈。佢几乎每道菜都有加海胆喺上面，而且绝不手软，但佢又唔会话为加而加，每样食材都会同海胆夹到，食得出师傅系有花过心思落个menu度，值得加分。佢啲海胆一啲腥臭都冇，仲要系甜架！食得出系日本货色黎，相当重本。但我估系海胆呢期当季所以先会有，如果系海胆迷嘅就快啲上去食啦， 真系极力推介呀！佢每一道料理都偏清淡为主，主要突出食材本身嘅味道，同埋防止其中一样食材太抢会令到其他失色，真系调节得好完美。加上佢每一碟无论系个碟本身定个攞盘都整得好靓好有心思，颜色都衬得好好，影相出黎好睇又有日本传统味道。最后佢个甜品一出黎我成个人溶左，注意系我溶，而唔系个甜品溶😂佢系一个鲷鱼烧咁嘅物体，但特别系其中一只居然系只熊仔，可爱感满分，女士们一定会好中意。