埠 (已結業)

以前不时会经西湾河码头去鲤鱼门体育馆攀石，但愈大愈忙，已经好少再踏足码头。估唔到今次嚟唔系搭船，而系食串烧。埠嘅烧物用石炉保温，以濑户奈海藻盐调味。成得最豪嘅系厚切A4和牛。平时冇食开唔知价，望落系细块，但食落真系不得了。和牛喺炉上一直滴油，发出「炸炸」声。 厚切和牛令肉心保持嫰粉红，成块肉都充满油脂香，牛味好浓。月见紫苏免治鸡棒食法比较特别，可以将鸡棒切成细段，然后沾上蛋浆。鸡棒甜甜地，沾上蛋汁肉质更嫰滑。京都绢豆腐几有惊喜。一端上枱见到豆腐偏黑好似㶶咗咁，其实有啲错愕。但一食就知佢系将甜酱油焦糖化，令绢豆腐比炸豆腐更脆。豆腐密度好高，食落结实，豆味浓陏。喺电视见过人话日本烧鸡皮好正，所以就点嚟试试。果然冇错！鸡皮烧到出晒油，食落脆口，有鸡油香但唔油腻，好似猪油渣咁𠮶种质地咁。羊扒虽然定价较高，但烧得好出色。入面嘅肉系嫰粉红，但生嘅部分好易咬开，好稔，好香！锅烧乌冬滑嘟嘟咁，鲣鱼昆布汤系全锅嘅精华所在，腐皮就吸晒呢啲精华。哈！睇到都觉得正啦！蟹脚烧盐味经外壳渗入鲜甜蟹肉。蟹钳位啲肉厚到成支浆糊笔咁！啖啖肉，啖啖海水味。食埋甜品，呢餐靓景正嘢食冇得输。