海街丼 (E-Max) (已結業)

钟意揸车嘅人又钟意睇戏，一定会去EMAX，但去开呢度睇戏就知，呢度无乜嘢食，除左以前最爱嘅蕃满门外，就最想食呢间海街丼。有一排丼饭成行成市，中环的海言当然系重点，但海街丼一直都系食丼饭嘅代表作，久不久去下，都唔系太差。成年无黎过，就叫过最贵嘅丼饭，加少少前菜，咁就一餐，简单食下快去睇戏，不用十分钟就完成。厨司推荐丼，有呑拿赤身，拖罗，金目鲷，海胆，玉子，深海池鱼，仲有三文鱼籽，应该系劲令人满意嘅一个选择 ，似足筑地感觉，二百几平过中环价钱好多。特别爱赤身，而海胆太少，赤身同池鱼又系好新鲜，最特别系呢到嘅饭，要自己加啫喱醋，太耐无黎，唔记得呢个食法，都几得人惊，钟唔钟意见人见致，个人觉得几得意。不过最好系佢有好多饭，原因系后面有个鱼汤可做泡饭，仲有好多配菜整个泡饭，好此道者必爱。另外前菜冻辣蕃茄同酱油菠菜都好唔错，开胃而味道有特色，大碟而且几好打卡，多人就一定要点多几个点心试试。行过黎睇戏都应该要试下，绝对会系大部人嘅饭堂。