Bistronomique

营业中

休息中

如果想远离烦嚣，感受法国气色，望住海景食法国菜，坚离地城呢间海边餐厅会系一个唔错嘅选择。今晚我哋叫咗六道菜嘅晚餐，好好享受久违嘅欧洲风味。由香口嘅牛油果虎虾沙律同清新嘅凯撒沙律展开今晚嘅序幕。前菜选择多又特别，有鸡肝猪肉批，法式煎田鸡腿，而我特别钟意嘅系香煎鱿鱼仔配西班牙肉肠，因为够入味够弹牙。同埋法式香草焗田螺，造型精致，香草加田螺带出法国传统味道。主菜我哋就拣咗法式烤乳猪，真系成只猪BB脚咁上，炸得非常香脆，以柚子酱吊味，配以酸菜作伴菜。另一道主菜系炭烧美国特级肉眼扒，肥瘦均匀，脂肪喺口腔入面一边融化，一边带出肉眼扒嘅滋味讨好味蕾。最后系我好重视嘅甜品。法国南部嘅Cenelé 同清新嘅Lemon Tart。厨师好似知我心谂咩咁，每款蛋糕以雪糕球伴碟，食到幸福嘅味道。