無問題 (已結業)

周末无嘢做就去西贡行下山，行下海边。 行到攰咁岩有呢间餐厅所以就坐低饮咗杯嘢。 因为佢哋夜晚比人包咗场， 所以个职员都有好细心同埋好唔好意思咁同我哋解释我哋只可以坐一个半钟。我地拣左张好靓嘅枱坐低，佢地啲枱嘅花文真系好靓😍😍我哋叫左两杯嘢饮， 一杯青柠梳打同一杯冻美式咖啡。 嘢饮嚟到𠮶时先发现佢哋落错咗杯热嘅美式咖啡。 同咗个年轻嘅职员讲，佢好似有少少不知所措🤣🤣睇佢个款好似想倒咗杯咖啡重新冲杯比我哋，我哋见到咁就紧系阻止咗佢啦。后尾都只系请佢比杯冰我哋就得。