野玩海店 (已結業)

男朋友话带我去食龙虾原来系野玩海店。之前行过已经想试试佢，估唔到男朋友仲记得！餐厅走海滩度假风，色彩缤纷嘅门、天花嘅滑板装饰、海滩嬉戏嘅壁画，令人感觉好夏日好放松。另外，餐厅环境好阔落，座位比较多，有卡位、圆枱及长枱，好适合一大班人聚会！法国生蚝 LITTLE SPECIAL $32/只生蚝虽然细细只，但好新鲜无蚝碎，食落好鲜甜。秘制德国猪手 $168猪手皮脆肉嫩，猪肉一啲都唔咸，唔需要点酱都够味，略嫌猪皮炸得比较硬身。薯蓉口感好绵密，味道咸淡适中，值得一赞酸椰菜一啲酸味都无，味道普通。沙律菜好新鲜，配沙律醋好开胃。挣扎左好耐，究竟食波士顿焗龙虾餐定散叫芝士焗波士顿龙虾。最后都系叫餐，因为抵食啲是日餐汤&沙律餐汤系忌廉汤，好普通无特别。沙律系芝麻酱沙律，食落感觉好清新。周打海鲜汤跟餐可以+$20升级。如果散叫系$78份。周打海鲜汤系用农夫包做碗，里面嘅海鲜好丰富，有虾、青口、蚬肉、墨鱼。海鲜全部都好新鲜，虾肉弹牙。汤味道比较偏淡，饮到咁上下，切开个农夫包黎食，农夫包吸满汤汁，几好味。野玩手造薄饼 8吋薄饼馅料有粟米、洋葱、甜椒、辣椒、芝士等。饼底系薄身有口感嘅，芝士系有拉丝效果嘅，千岛