影片
更多
2021-08-22
89 浏览
以前去赤柱玩搵野食嘅時候都係一個難題，因為種類黎黎去去都係西餐廳同埋連鎖快餐店…不過最近有朋友話我知，係赤廣開左間新派西日居酒屋，襯平日放假決定去試試佢！地點：位於赤柱廣場嘅最底果層，赤柱景店嘅正中心，係正天幕廣場嘅隔離，超級當眼超級方便環境：雖然話係居酒屋，但佢係行西日fusion風格，裝修走時尚風格，而bar枱嘅正中就係一個大大嘅cocktail bar位，隔離仲有特大玻璃可以邊飲邊望住師傅整串燒，十分之chill加上餐廳臨海，寬闊嘅大門吹來微微嘅海風，好舒服😌食物質素：即席煙燻三文魚先黎第一個頭盤，見到即席煙燻，我初初以為係即叫即燻，點知原來係真·煙燻首先會用個玻璃圓蓋吸住三文魚，然後會搵啲煙焗住佢（可惜唔記得影底成個煙燻過程😂），仲以為無乜料到，點知啲煙燻味比想像中fresh好多三文魚會蛋黃醬、黑醋、青醬同黑蒜，本人覺得黑蒜同煙三文魚竟然係最夾最特別香口得黎又能帶出三文魚嘅鮮味！另外蛋黃醬都好夾，很好👍意大利芝士牛油果配煙肉碎牛油果嘅表面會着先輕輕燒一燒，然後核嘅部位會加上意大利芝士同煙肉碎，牛油果嘅選材好新鮮，熟嘅程度啱啱好，係表面輕輕燒一燒，製造出兩種唔同嘅口感，只可惜份量
不過最近有朋友話我知，係赤廣開左間新派西日居酒屋，襯平日放假決定去試試佢！
地點：位於赤柱廣場嘅最底果層，赤柱景店嘅正中心，係正天幕廣場嘅隔離，超級當眼超級方便
環境：雖然話係居酒屋，但佢係行西日fusion風格，裝修走時尚風格，而bar枱嘅正中就係一個大大嘅cocktail bar位，隔離仲有特大玻璃可以邊飲邊望住師傅整串燒，十分之chill加上餐廳臨海，寬闊嘅大門吹來微微嘅海風，好舒服😌
食物質素：即席煙燻三文魚
先黎第一個頭盤，見到即席煙燻，我初初以為係即叫即燻，點知原來係真·煙燻首先會用個玻璃圓蓋吸住三文魚，然後會搵啲煙焗住佢（可惜唔記得影底成個煙燻過程😂），仲以為無乜料到，點知啲煙燻味比想像中fresh好多
三文魚會蛋黃醬、黑醋、青醬同黑蒜，本人覺得黑蒜同煙三文魚竟然係最夾最特別香口得黎又能帶出三文魚嘅鮮味！另外蛋黃醬都好夾，很好👍
意大利芝士牛油果配煙肉碎
牛油果嘅表面會着先輕輕燒一燒，然後核嘅部位會加上意大利芝士同煙肉碎，牛油果嘅選材好新鮮，熟嘅程度啱啱好，係表面輕輕燒一燒，製造出兩種唔同嘅口感，只可惜份量細左少少，不過作位前菜都幾好架啦
串燒：自家製免治雞肉丸、士多啤梨豚肉卷、白鱔、燒菠蘿
黎居酒屋又點少得串燒？佢哋黎度嘅串燒都係一反傳統，有甜咸fusion，講緊嘅係士多啤梨豚肉卷，店員話佢地概念係源於福岡博多風格嘅豚肉卷，即係用油脂豐富嘅豬肉包水果製作串燒。呢份士多啤梨豚肉卷就用左豬腩肉包士多啤梨，本身豬腩肉會比人肥膩感覺，但士多啤梨嘅酸甜肉汁中和左腩肉嘅油膩感帶黎一種好清新嘅感覺令人唔覺唔覺就會食多幾舊想再特別啲可以點埋煉奶，增加甜味，又係另一種新穎嘅食法。另外仲有荔枝、青提等都係坊間少見嘅配搭
另一款就係免治雞肉丸，用雞髀肉同雞軟骨手打而成，所以咬落有一粒粒軟骨口感，外脆肉嫩，層次豐富。加埋生蛋黃同日式燒汁，食落更滑溜惹味！
當然仲有日式串燒成日都食嘅白鱔，火喉十足，燒到魚皮脆脆的，魚肉嫩滑可口
和風鰻魚梳乎厘飯
黎到主食，叫左本店主打菜式！賣相一流，黎到係咁要影相打卡上層嘅梳乎厘口感非常輕盈，蛋香濃郁。下面嘅燒鰻魚更有淡淡焦香，肉質細嫩。店員又好熱烈咁建議我地先係中間開個洞，慢慢倒少少鰹魚汁試下味，鰻魚又煮到恰到好處，鮮甜嘅魚油配日本米已經好夠味好入味
沖繩黑糖刨冰
黎到甜品，天氣熱就當然係要整番個刨冰，餐廳刨冰三款自家製口味比你揀，士多啤梨、抹茶、沖繩黑糖，味道唔會過甜。我地當日就揀左黑糖，食之前再係刨冰上面輕輕倒上煉奶，同黑糖嘅味道超夾每款刨冰都附上白玉，甜而不膩，消暑一流！
服務：店員嘅服務值得一讚，每次上菜都會好熱心咁介紹食物嘅食法同埋佢嘅概念，而且上菜又快，加分！
價錢：係赤柱是是但但食個西餐都差唔多位位兩舊水，但以咁嘅質素黎講，真心一啲都唔貴！極力推薦！
张贴
