鳥華亭

营业中

休息中

一阵去上堂，仲要上到10点，唔揾啲嘢食下都搞唔掂，个附近逛下，揾到呢间食拉面都好㖞！好，坐低睇下有咩好食先。北海道产虾味噌鸡白汤拉面，成个面摆得好靓好整齐，海量樱花虾好吸引啊！樱花虾集咸、香、脆于一身，超正！试一啖汤底非常浓厚，配料有洋葱条、青葱和露荀，叫左直面，爽口面条又索到汤底。白鸡肉，望上去白雪雪，但食落去系软腍滑鸡肉，仲好有肉味。加$38有巨峰提子梳打和蟹肉饼，好抵㖞！巨峰提子梳打，饮落又凉又爽，味味清甜。蟹肉饼，炸得好脆口，里面忌廉好香滑。