華香園

营业中

休息中

呢个「临时」熟食中心已有40多年历史，政府2018年开始重建，今年10月餐厅陆续开返啦～而家有三、四间重开咗，今次lunch试下猪扒包见称嘅华香园先🐖「几位啊？呢边有枱啊！」侍应哥哥喺熟食中心门口热情招手。喺同行同事准备坐低嘅一刻，咪住！张枱唔系属于华香园，我哋立刻尴尴尬尬行开，揾返华香园嘅枱先😅想嚟食嘢嘅朋友，唔好心急有枱就坐啊😂果然，华香园店前已经排咗十几人嘅人龙，等紧老板分派坐位。一场嚟到，冒住lunchtime迟咗返会俾老细闹嘅风险，照等！==============================猪扒饭 $42先嚟碟白饭，我心谂猪扒呢😂 约两、三分钟后，猪扒另上。猪扒新鲜，热辣辣～虽然唔系厚切，食落有肉汁唧出嚟，肉质香软亦保持少许弹性😮 腌料嘅味道渗透猪扒嘅内外，不过略嫌偏咸、油咗少少🤏 至于饭，就系一碟白饭，嫌dry的话，可以加枱上嘅豉油汁捞饭调味冻奶茶 跟餐加$9茶唔涩易入口，不过茶既唔浓，亦冇乜奶香，普通茶餐厅奶茶嘅味道啦，唔口渴嘅话，可skip😕要数同类型茶档奶茶，大坑炳记茶档、西环诚记都出色得多。