影片
更多
2024-06-26
379 浏览
一家人去食饭，拣咗就近沙田市中心嘅星海会，佢喺万怡酒店入面，劲方面，我哋喺沙田新城市广场行完街，隔篱就系啦。招牌白胡椒蟹平时炒姜葱蟹就食得多，白胡椒蟹真系第一次食，佢嚟嘅时候将啲酱汁淋咗上去只蟹度，白胡椒味超级浓，加埋蟹味又香又有少少提神。不得不赞呢个真系佢哋招牌菜式，只蟹超级多肉，系名副其实嘅肉蟹，实滴滴嘅蟹肉遍布蟹钳同埋蟹身，蟹壳都有蟹膏，基本上成只蟹都煮得好入味，啖啖肉感十分满足。红烧皇子乳鸽做紧优惠$68只就有，我哋就叫咗一只嚟食吓，估唔到细细只乳鸽都有咁多肉，而且肉汁丰富，唔会烧到干晒，每咬一啖落去乳鸽嘅肉质都喺口入边浪吓浪吓，如果唔钟意太骚味可以加少少醋点埋一齐食，成只乳鸽都好多肉，呢个价钱好抵。时令冬瓜盅侍应推介话呢个冬瓜盅好新鲜，我见到差唔多每一台都有嗌，细细个冬瓜盅入边有蟹肉虾肉，仲有瑶柱螺肉同埋鲍鱼，超丰富。夏日炎炎，食冬瓜盅，最合适不过，记得要饮埋啲汤先至消暑。鲜腐竹百合浸时蔬腐竹加埋百合呢个组合永远都系100分，今晚嘅时蔬系白菜仔，好新鲜，食咗咁多肉当然要食返个菜啦，腐竹同百合又滋润！
一家人去食饭，拣咗就近沙田市中心嘅星海会，佢喺万怡酒店入面，劲方面，我哋喺沙田新城市广场行完街，隔篱就系啦。
招牌白胡椒蟹
平时炒姜葱蟹就食得多，白胡椒蟹真系第一次食，佢嚟嘅时候将啲酱汁淋咗上去只蟹度，白胡椒味超级浓，加埋蟹味又香又有少少提神。不得不赞呢个真系佢哋招牌菜式，只蟹超级多肉，系名副其实嘅肉蟹，实滴滴嘅蟹肉遍布蟹钳同埋蟹身，蟹壳都有蟹膏，基本上成只蟹都煮得好入味，啖啖肉感十分满足。
红烧皇子乳鸽做紧优惠$68只就有，我哋就叫咗一只嚟食吓，估唔到细细只乳鸽都有咁多肉，而且肉汁丰富，唔会烧到干晒，每咬一啖落去乳鸽嘅肉质都喺口入边浪吓浪吓，如果唔钟意太骚味可以加少少醋点埋一齐食，成只乳鸽都好多肉，呢个价钱好抵。
时令冬瓜盅
侍应推介话呢个冬瓜盅好新鲜，我见到差唔多每一台都有嗌，细细个冬瓜盅入边有蟹肉虾肉，仲有瑶柱螺肉同埋鲍鱼，超丰富。夏日炎炎，食冬瓜盅，最合适不过，记得要饮埋啲汤先至消暑。
鲜腐竹百合浸时蔬
腐竹加埋百合呢个组合永远都系100分，今晚嘅时蔬系白菜仔，好新鲜，食咗咁多肉当然要食返个菜啦，腐竹同百合又滋润！
张贴
