影片
更多
2019-05-03
2115 浏览
又系同屋企人去食自助餐既日子，今次拣左一间做紧食海鲜主题既「百乐酒店」。环境座位宽敞，光线充足，食物摆放集中，摆盘都唔会马虎。收费 「海陆空之旅」海鲜自助晚餐(18:30-21:30)，星期一至四$498，星期五至日、公众假期及其前夕 $528，供应日期由即日起至7月3日，like佢地facebook就有7折，Openrice都有优惠，抵好多！面包及饮品区要留肚食海鲜同其他野食，冇帮衬面包冷盘区—前菜不少得各式沙律、芝士、刺身、什锦冻肉拼盘、烟三文鱼拼盘等等呢啲大路冷盘，但都有多款精致同特别少少既，例如燕窝藜麦天使冷面、鲍片鲜虾芝士串、龙虾菠萝黑鱼籽沙律等等。沙律都好新鲜爽脆，刺身切得好大块，试左三文鱼，纹路好靓，食落鱼油香都好重。冷盘区—生蚝、海鲜食自助餐既重点当然系食海鲜，加上呢个自助餐都系做紧海鲜主题，冷盘类海鲜有海虾、花螺、白蚬、加拿大鳕场蟹脚、纽西兰青口，海鲜类既融雪处理都无问题，无食到有坏既情况，食物Refill都好快，相对上蟹脚Refill速度就慢少少，肉质比较薄啲。至于生蚝系供应纽西兰生蚝，已经预先开好哂，每人限攞3只，开蚝同洗蚝都干净，食左咁多只都唔会食到有蚝壳碎，
环境
座位宽敞，光线充足，食物摆放集中，摆盘都唔会马虎。
收费
「海陆空之旅」海鲜自助晚餐(18:30-21:30)，星期一至四$498，星期五至日、公众假期及其前夕 $528，供应日期由即日起至7月3日，like佢地facebook就有7折，Openrice都有优惠，抵好多！
面包及饮品区
要留肚食海鲜同其他野食，冇帮衬面包冷盘区—前菜
不少得各式沙律、芝士、刺身、什锦冻肉拼盘、烟三文鱼拼盘等等呢啲大路冷盘，但都有多款精致同特别少少既，例如燕窝藜麦天使冷面、鲍片鲜虾芝士串、龙虾菠萝黑鱼籽沙律等等。沙律都好新鲜爽脆，刺身切得好大块，试左三文鱼，纹路好靓，食落鱼油香都好重。
冷盘区—生蚝、海鲜
食自助餐既重点当然系食海鲜，加上呢个自助餐都系做紧海鲜主题，冷盘类海鲜有海虾、花螺、白蚬、加拿大鳕场蟹脚、纽西兰青口，海鲜类既融雪处理都无问题，无食到有坏既情况，食物Refill都好快，相对上蟹脚Refill速度就慢少少，肉质比较薄啲。至于生蚝系供应纽西兰生蚝，已经预先开好哂，每人限攞3只，开蚝同洗蚝都干净，食左咁多只都唔会食到有蚝壳碎，第一转生蚝海水味较重，而第二转生蚝就比较creamy，各有各美味。
热荤区—海鲜
百乐海鲜粥底蒸锅
59 浏览
0 赞好
0 留言
话明系「海陆空之旅」海鲜自助晚餐，当然唔止得冷盘有海鲜，热荤都有好多款海鲜，例如：百乐海鲜粥底蒸锅、椒盐濑尿虾、牛肝菌酿芝士美国鸡胸卷、鹅肝酱鲍鱼海鲜薯蓉酿海螺、金不换泰式炒辣蟹等等。当中既百乐海鲜粥底蒸锅十分吸引，上一层系蒜蓉蒸海鲜，分别有濑尿虾、青口、海虾、花蟹、蚬，蒜味几出，不过唔知系咪蒸得有一段时间，肉质比较老，重点就系蒸海鲜时既精华滴落去下层既粥底变左做海鲜粥，加上会将海鲜倒埋入粥入面，十分丰富，一呷海鲜粥十分清甜，鲜味十足，必食，爸爸仲食左两大碗添。另外鹅肝酱鲍鱼海鲜薯蓉酿海螺外型好吸引，海螺好大只，呢个系将鲍鱼、青口等等加入洋葱、蘑菇、鹅肝酱汁拌入薯蓉，食落都几香，但鹅肝酱鲍鱼味较弱。
热荤区—其他
原只鲍鱼花胶瑶柱一品锅
63 浏览
0 赞好
0 留言
唔少得粉面档、印度咖哩、即席切肉区以及其他热食，每人会送一客原只鲍鱼花胶瑶柱一品锅，入座后店员会比一张兑换卷到粉面档换领，入面十分足料，有鸡丝、素翅、鲍鱼、瑶柱、花胶及竹笙，味道清甜，汤底唔会太「杰」，唔觉得浆口唔舒服。而即席切肉区供应烧羊架、烧纽西兰肉眼扒及香草烧春鸡，羊架几嫩滑唔太膻，纽西兰肉眼扒就比较一般，香草烧春鸡正常，而有个特别位系即席切肉区转左做片鸭，原来会限量供应片皮鸭，拎左一碟试下，可惜饼皮已经冻左，好影响口感，鸭肉唔够肥美。仲主打瑞士汁慢煮乳鸽、黑松露芦笋炒驼鸟肉、牛肝菌酿芝士美国鸡胸卷等等，热食质素都唔错，唔会因为热炉挫住就干哂，虽然款式唔算太多，但有平时较少会食到既炒驼鸟肉同乳鸽，有卖点。
甜品区
火焰雪山
33 浏览
0 赞好
0 留言
甜品区
57 浏览
0 赞好
0 留言
甜品
31 浏览
0 赞好
0 留言
选择不少，特别留意有限量供应既火焰雪山，师傅即场烧，蛋白唔会过甜，入面包住冰冻既雪糕，必食！而甜品区有樱花主题既甜品，例如樱花3.5牛乳奶冻、樱花啫哩水晶球、樱花酸奶芝士蛋糕，仲有各式糕点甜品、葡挞、黑芝麻梳乎厘、杏汁桃胶炖鲜奶，更加有朱古力喷泉、自制Pancakes机以及雪糕迷必爱既Mövenpick雪糕同任拎Dreyer’s！樱花甜品都唔错，几清新；葡挞正常；黑芝麻梳乎厘焗得太㶶同埋入面放得太少蛋浆；奶茶奶冻奶茶味真系几重几好食；Mövenpick雪糕有成11只味拣，Dreyer’s杯装雪糕亦有三款，除左黑芝麻梳乎厘比较差，甜品都唔错。
总括而言，食物选择附合到自助餐主题，冷盘、热荤、甜品分配都好平均，每个区域有既食物种类数目相若，唔会偏重左系某一区域，海鲜都新鲜，所有食物其实都Refill得好快，未见过有空既情况，又会玩下限量供应食物，要你密啲出去夹野食就会发现惊喜款式，加上有做紧折扣，每位四百几蚊，食到咁多海鲜，又有不少特别既食物种类，抵食自助餐。
张贴
