Gastrobox by Okapi Cafe (已結業)

去西贡吹吹风，除咗食海鲜之外，都会去食西餐。已经系第二次帮衬Okapi, 第一次食过之后印象唔错。今次去到，上下层已坐满，要等等位，经理安排我地去后园坐。等咗10分钟就有枱，仲系sofa 位添，舒服！睇睇午餐牌，好似无转过㖞。我要咗鲜茄海鲜扁意粉, 妈要咗西西里海鲜五色饭，而爸就钟情香肠。餐汤系青豆汤，我本身唔钟意食青豆，但青豆已打成茸，亦无青豆嘅青味，好易入口，加咗忌廉，所以好滑。鲜茄海鲜扁意粉，十个like!!!鲜茄汁味道好raw, 份量又多，食到尾都仲有汁，绝对唔会干争争。扁意粉十分弹牙，软硬适中；海鲜好多，有鱿鱼、鱼、蚬、青口同虾。当中以蚬最为出色，鲜味十足又无沙！我都好钟意妈嘅西西里海鲜五色饭，好香好浓，加入忌廉煮成，所以好creamy~海鲜一样多。环境都好好，坐得好舒服！服务不过不失，虽不算殷勤，但都有礼。