影片
更多
2011-05-26
129 浏览
三木系香港一间几好既韩国餐厅, 但今次真系食到无名火起。俗语有话「好眉好貌生沙蚤」，真系几贴切。综观佢地既服务，暴力以外都系暴力。如果你唔想成为下一个受害既食客，请你用两分钟听下我既经历。5月21日星期六，订左6个人食生日饭，寿星仔系超级韩国迷。枱订了7:30，7:45我地落单，但因为有一个大食友未黎，所以我地点左最基本既(有6样主菜，计落都叫左5、6百蚊架，但系未点烧肉)，谂著到齐等佢拍板再叫。我地本来开开心心倾紧计，有位侍应好似轰炸机咁行埋来：「唔好意思，我地今晚BOOKING好FULL，有最低消费。」「哦，系呀。我地其实未叫齐，等齐人会再叫。」唔知点解，问佢最低消费系几多问极都UP唔出咁，UP左好耐终于话系$150/HEAD，好似自己作出黎咁。其实食呢间野，$150/HEAD系预料之中。有趣既系，点解一早佢唔讲有MINIMUM CHARGE，佢可以1)系订枱既时候讲，2)ORDER之前讲低一声，又或者3) 系MENU度印低，甚至 4) 系墙上面贴张告示。不过佢地冇咁做，而系选择左 5) 系落ORDER之后揾个人来话俾你知，你地叫得太少啦。睇返以往既食评，你仲会发现佢地既MINIM
5月21日星期六，订左6个人食生日饭，寿星仔系超级韩国迷。枱订了7:30，7:45我地落单，但因为有一个大食友未黎，所以我地点左最基本既(有6样主菜，计落都叫左5、6百蚊架，但系未点烧肉)，谂著到齐等佢拍板再叫。我地本来开开心心倾紧计，有位侍应好似轰炸机咁行埋来：
「唔好意思，我地今晚BOOKING好FULL，有最低消费。」
「哦，系呀。我地其实未叫齐，等齐人会再叫。」
唔知点解，问佢最低消费系几多问极都UP唔出咁，UP左好耐终于话系$150/HEAD，好似自己作出黎咁。其实食呢间野，$150/HEAD系预料之中。有趣既系，点解一早佢唔讲有MINIMUM CHARGE，佢可以1)系订枱既时候讲，2)ORDER之前讲低一声，又或者3) 系MENU度印低，甚至 4) 系墙上面贴张告示。不过佢地冇咁做，而系选择左 5) 系落ORDER之后揾个人来话俾你知，你地叫得太少啦。睇返以往既食评，你仲会发现佢地既MINIMUM CHARGE系海鲜价！！！！古惑的MINIMUM CHARGE是也！
咁我地已经有D唔高兴，十足十俾个导游监你买野咁啰，唔买就俾气你受。
未几，佢又行过来，「唔好意思，今晚BOOKING好FULL，你地可唔可以8:30交番张枱出黎？」大家对下表，8点正，哗，大佬，得返半个钟点食呀？
后加MINIMUM CHARGE都算，后加交枱时间真系有D欺人太甚。「我地人都未齐，再讲，你地唔系应该一早讲低有交枱时间架咩？」
「我知，不过今晚真系好FULL，你地8:30可唔可以交返出来？」讲到系我地欠左佢张枱咁。
平时好文静既M终于忍唔著，好礼貌咁话：「对唔著，我谂系冇可能。而家已经8点，得半个钟点食呀？」
呢个时候个侍应已经转左TONE，唔系「请」我地交枱，而系「通知」我地8:30要交枱，「BOOKING太FULL，唔该你地8:30交枱啦。」
我冇见过一间咁厚颜既餐厅。BOOKING好FULL？我地都有做BOOKING个㖞。点解来食生日饭要食到俾人欺压俾人赶？佢地既手段好暴力而且唔讲理，弹弓手，想尽办法逼你叫多D，如果唔得就逼你走。好似同紧我地讲，「我地呢度真系唔欢迎叫得少既客人啰」。
讲到出哂面，食落去都冇瘾，我地就同个侍应讲，咁我地唔食啦。我出到门口，同个睇场既阿姐投诉，佢又系讲到一旧旧，我谂个意思系，呢度系咁架，如果你地只系点够MINIMUM CHARGE，就会连带有交枱时间。真系古惑，我想问，到底叫多过MINIMUM CHARGE几多先至冇交枱时间呢？200蚊?300蚊? (个MINIMUM CHARGE仲要系海鲜价㖞)
呢个时候，阿姐黑面话，「啱啱个侍应咁真系唔好意思，不过我而家好忙。」意思系唔该你唔好再阻著我做生意。
遇到咁既待遇，实在不吐不快。我有次同个朋友黎，佢系呢间餐厅既VIP。个老板娘仲拎左D私伙泡菜请我地食。我只慨叹世界都系好现实既，如果你唔系VIP，就真系谂清楚至好啦。
张贴