日日涮 (已結業)

嚟到旺角，由于女朋友仔好钟意食火锅，又好似食刺身㖞，所以嚟讲我哋就喺旺角入边拣咗间餐厅，可以满足晒两个愿望。今次我哋拣咗特级美国肥牛火锅，在额外加咗30蚊要任食刺身。汤底要咗昆布同埋番茄。昆布汤底味道好出，而且偏甜，番茄汤底就普普通通啦。首先系任食嘅肥牛，唔知系咪我哋拣左最低级𠮶只肥牛，真系一般般，睇图片都见到肥肉比例都几多下，食落都还好啦，所以我哋只系食咗一碟。另外佢仲有猪肉同鸡肉嘅，打完猪肉比牛肉更加好食，冇乜肥肉之余仲好嫩滑，所以我哋叫加多咗啲猪肉嚟食。第二个重点嚟喇，就系海鲜拼盘。有龙虾，鲍鱼，扇贝，海虾，蛏子，青口，蟹等等。当然，任食放题嘅海鲜嘅质素都唔可以有太高嘅期望，不过老实讲，200几蚊有海鲜食都算唔错个喇。跟住到刺身喇。刺身嘅质素真系有啲参差。餐厅会先畀咗一杯是日推介嘅刺身，入边啲刺身系正常嘅放题水平，三文鱼，希灵鱼，墨鱼片等等。不过加单嘅时候噩梦就嚟喇，我哋叫咗吞拿鱼，吞拿鱼好多根，真系你唔会想夹第二件嚟食。丸类蔬菜等等可以出边攞嘅，我就唔过别讲喇。最后餐厅有甜品柜，款式都几多，虽然质素平平，冇乜边件特别好食或深刻，但放题嚟讲我都觉得有交待嘅。