嘉彩酒樓 (已結業)

拜完山，同亲戚黎到三圣嘅嘉彩食海鲜，其实已经黎过好几次，次次都系买海鲜黎加工，呢道加工无抽水，味道好，价钱合理。今次买左约二千蚊海鲜，有虾，蟹，蚝，班，圣子，鲍鱼同鲜尤。虾拣左豉油王同开边蒜容蒸，蒸个味略淡，后多加了豉油味道好多了，大爱佢个粉丝底，捞饭一流。豉椒炒圣子，好惹味，连啲青椒都食哂。砵酒蚝，个汁甜甜地，洋葱底，鐡煲上，有啲啫啫feel，又系好味到连洋葱都食哂。姜葱炒蟹，我无食。烧鹅，呢间酒楼岀名，亲戚话无啲肉唔得㖞，于是加左呢样，肉唔韧，多肉汁，少少肥，个皮烧得好香口，正！清蒸石班同鲍鱼，时候刚好，无蒸老哂，好鲜甜。椒盐鲜尤，粉唔系太厚，无炸到硬实实，钟意香口野就啱哂。加左金银蛋烚菜，未影相已经比人食哂……送左蒸千层糕，红荳沙同合时生果，生果有橙同西瓜。刚蒸起嘅千层糕好松软，正！红荳沙好绵不过超甜，钟意甜食的我食左两碗。因为权限问题不能上载太多相，用了并图方式，加上影相时亲戚经已起筷，好多相都好檬。计埋加工费、饭、酒水等成餐唔使三千，我地一行十五人，围起都唔使两百，抵食啦。