棠記海鮮小廚

营业中

休息中

今日三点几系屯门行完山，攰攰地想食个tea补充下体力，咁岩醒起三圣邨出名食海鲜，我地就去到三圣既海鲜档买左少少海鲜系附近加工，呢间餐厅既加工费系每款每斤$75，价钱都几公道，我地决定由厨师发办点煮，结果都几岩我地既口味。豉椒炒蚬蚬处理得好好，完全无沙，豉椒酱汁非常惹味，炒得好够锅气，蚬肉非常鲜嫩。避风塘炒濑尿虾避风塘配料好足，濑尿虾炸得好香脆 ，火喉控制得好好，虾肉够晒juicy，辣味浸晒入虾肉到，辣辣地越食越开胃。芝士脆皮焗龙虾一上枱已经香气扑鼻，入口脆卜卜啖啖芝士味，龙虾肉爽口弹牙，食完好想再encore。