二家姐正宗原味麻辣火鍋

营业中

休息中

二家姐火锅系我几日前食既一间火锅边炉店，环境好，四周有好多挂画，餐厅装饰得好食野都特别开心。今次去就叫左个焉鸯汤底，唔辣果一个系药膳汤底，有少少药材，但唔会话太苦或者甘，都算清清地，好适合小朋友或者老人家。另一个系小辣麻辣汤底，虽然只系小辣，但已经辣得好紧要，如果食得辣既朋友应该会好中意，因为佢唔系得辣，而系有麻痺既感觉，汤底全部都系辣椒，好足料，但食唔到辣既就建议食药膳汤底啦。今次试左佢既海鲜，圣子好好好大只，而且唔痴壳，好新鲜，食落口口感足，海水味唔浓，价钱黎讲都大众化，一人一只都食得几满意。但我比较中意食佢既一桶蚝，桶蚝其实都系一蝶上，一蝶8只，每只都有三分二只手掌咁大，味道偏浓同咸，淡既汤底都唔会太抢味，但如果系辣汤底就可能会抢啦。如果系平价配菜既话，我推介三色丸同杂茶桶，三色丸虽然唔知系未手打，但唔算好粉，同埋都新鲜既，平价配茶黎讲算系稳打稳阵。杂菜桶有娃娃菜，生菜，菜心之类，一家人唔想叫咁多款菜既话可以考虑下，打边炉无菜真系太肥腻啦。