影片
更多
2023-11-13
427 浏览
今晚几左几个朋友食晚饭，带埋唔够两岁嘅bb，因为食过佢地lunch觉得ok，又有蚝仔肉碎泡饭清清地觉得啱bb食（bb净食肉碎同饭，唔会食蚝仔），就拣左呢间餐厅。坐落之前都保险问一句夜晚会唔会都有蚝仔泡饭？个侍应话有，咁就坐低左，但点知到落单时，另一个资深啲嘅侍应（负责收银）先话夜晚冇蚝仔泡饭，啲汤都冇哂唔会整到。无奈但都坐低左，咁叫啲可以俾bb食嘅嘢都可以接受嘅。叫左一个$498嘅套餐，入面有海南鸡又有乌头鱼，可以俾bb食非常好。又有蚬、虾，加埋小食拼盘、炒通菜、炒金边粉、甜品（流心芝麻球），真系觉得超值👍🏼再另叫多个生菜包开心下，满心期待～可惜由第一道上嘅炒蚬开始出事⋯啲蚬好霉好唔新鲜。咖哩虾有层红油喺面，同啲咖喱好似沟唔埋咁⋯虾系雪藏虾都系明白嘅，唔评论。个马拉盏通菜冇味⋯炒金边粉除左有镬气，味道真系麻麻。终于明白点鲜有海鲜嘅套餐可以咁平⋯⋯😓庆幸个海南鸡同乌头都叫正常，最紧要bb食嘅嘢ok。只系海南鸡上嘅时候，侍应话「唔好意思，冇哂鸡酱」令人有啲愕然⋯连鸡酱都冇！？但平心而论，小食拼盘同生菜包都系好味嘅👍🏼食到最后，叫资深侍应上甜品，谂住有甜品（流心芝麻球）结尾令成餐饭可以提升返
坐落之前都保险问一句夜晚会唔会都有蚝仔泡饭？个侍应话有，咁就坐低左，但点知到落单时，另一个资深啲嘅侍应（负责收银）先话夜晚冇蚝仔泡饭，啲汤都冇哂唔会整到。无奈但都坐低左，咁叫啲可以俾bb食嘅嘢都可以接受嘅。
叫左一个$498嘅套餐，入面有海南鸡又有乌头鱼，可以俾bb食非常好。又有蚬、虾，加埋小食拼盘、炒通菜、炒金边粉、甜品（流心芝麻球），真系觉得超值👍🏼再另叫多个生菜包开心下，满心期待～
可惜由第一道上嘅炒蚬开始出事⋯啲蚬好霉好唔新鲜。
咖哩虾有层红油喺面，同啲咖喱好似沟唔埋咁⋯虾系雪藏虾都系明白嘅，唔评论。
个马拉盏通菜冇味⋯
炒金边粉除左有镬气，味道真系麻麻。
终于明白点鲜有海鲜嘅套餐可以咁平⋯⋯😓
庆幸个海南鸡同乌头都叫正常，最紧要bb食嘅嘢ok。只系海南鸡上嘅时候，侍应话「唔好意思，冇哂鸡酱」令人有啲愕然⋯连鸡酱都冇！？
但平心而论，小食拼盘同生菜包都系好味嘅👍🏼
食到最后，叫资深侍应上甜品，谂住有甜品（流心芝麻球）结尾令成餐饭可以提升返啲满足感。点知佢拎左4件一口椰青糕上枱就走左，我地好愕然再问佢「呢个系咩黎？唔系流心芝麻球咩？😲」
佢好老奉咁答我地：「啲芝麻球冇哂㗎啦，得返椰青糕，系新鲜椰青整㗎」
我地真系听到呆左⋯我地想叫呢个餐系expect有芝麻球，如果冇系咪应该一早同个客讲？我唔知芝麻球同椰青糕嘅价钱系咪一样，或者新鲜椰青糕系咪矜贵好多⋯但好肯定成枱人都系想食芝麻球多啲⋯你俾唔到餐牌上面嘅嘢俾客，你要叫个客讲清楚🙄
结论：
- 食物唔好味，特别海鲜唔新鲜。
- 服务态度好差。
- 想食嘅嘢最后一样都食唔到。
- 一定唔会再去
张贴
