有蒸氣 海鮮石鍋專門店 (已結業)

好多朋友钟意食海鲜，约咗成班一齐食蒸气火锅，够多海鲜仲要够新鲜🥰今次黎到尖沙咀呢间有蒸气，坐得都几舒服，卡位几大张～用咗冬瓜盅做汤底，所以会煮咗冬瓜同其他材料先～ 之后第一样食到嘅嘢就系呢个黑松露蒸蛋，出边食到嘅蒸蛋总系特别香同特别滑。之后就开始食海鲜！！有沙包蚬，海中虾，花蟹（每位半只)，大连鲍鱼，美国桶蚝。店员会帮你将海鲜放入蒸气石锅，用个计时器计住蒸既时间，之后会再分上碟🤤 海鲜系十分之新鲜同鲜甜🤤 每位398实在物超所值食完海鲜之后就开始食火锅，都系用返冬瓜盅个汤底，会有豚肉，娃娃菜，同埋四宝丸，每人只有2粒，所以要睇下边个钟意食边款😂 豚肉味道都唔错最后饮埋个冬瓜汤就饱喇～