影片
更多
2020-03-07
827 浏览
就算间餐厅几唔好食我都好少会特登俾负皮，叫做俾多次机会，但今次真系极失望😠其实今次系第二次光顾，仲要特登拣黎食自己生日饭，皆因两年几前食过觉得几好所以好有信心，结果⋯一行五人，拣左A5和牛放题（因为对上𠮶次未有和牛级数，算系尝鲜）。其实我哋都好明白呢个价钱（$398/位）喺日本先勉强食到无特别级数嘅和牛放题，更何况A5，更何况香港🤨所以我无太高嘅期望。结果的确中规中矩，唔合格嘅A5，但有一般和牛油脂旨味。今次赠送嘅海鲜拼盘完全唔新鲜（但上次有埋龙虾两食𠮶次系几好），鲍鱼味如嚼蜡都算，唔小心戳破内脏竟然腐臭到成个碗唔可以继续用😖蚝同扇贝正常，甲罗烧太死咸。虎虾喺正常火力下一系难变色，一系容易烧干，呢个就当我哋技术不纯啦～但当中的确有食到「霉」虾肉，确实大而无当！早左差不多一个星期预订，竟然食得仲凄惨过出面walk-in 嘅餐厅😂服务就「出色」到不行了～相信系疫情影响，周日晚上只有几枱客人，而餐厅一方亦将我哋呢几枱安排到较后方嘅位置入座，其实系无问题嘅～问题系全部楼面竟然企哂喺reception，离大家劲远，有时需要服务就要示意好多下先见到我哋！客人咁少都咁我好纳闷🌚另外，虽然大家有共识约
其实今次系第二次光顾，仲要特登拣黎食自己生日饭，皆因两年几前食过觉得几好所以好有信心，结果⋯
一行五人，拣左A5和牛放题（因为对上𠮶次未有和牛级数，算系尝鲜）。其实我哋都好明白呢个价钱（$398/位）喺日本先勉强食到无特别级数嘅和牛放题，更何况A5，更何况香港🤨所以我无太高嘅期望。结果的确中规中矩，唔合格嘅A5，但有一般和牛油脂旨味。
和牛拼盘
35 浏览
0 赞好
0 留言
今次赠送嘅海鲜拼盘完全唔新鲜（但上次有埋龙虾两食𠮶次系几好），鲍鱼味如嚼蜡都算，唔小心戳破内脏竟然腐臭到成个碗唔可以继续用😖蚝同扇贝正常，甲罗烧太死咸。虎虾喺正常火力下一系难变色，一系容易烧干，呢个就当我哋技术不纯啦～但当中的确有食到「霉」虾肉，确实大而无当！
早左差不多一个星期预订，竟然食得仲凄惨过出面walk-in 嘅餐厅😂
海鲜拼盘
21 浏览
1 赞好
0 留言
服务就「出色」到不行了～相信系疫情影响，周日晚上只有几枱客人，而餐厅一方亦将我哋呢几枱安排到较后方嘅位置入座，其实系无问题嘅～问题系全部楼面竟然企哂喺reception，离大家劲远，有时需要服务就要示意好多下先见到我哋！客人咁少都咁我好纳闷🌚
另外，虽然大家有共识约个半小时左右要last order，但一般放题店都会选择由服务员/ 点菜平板电脑提示，结果两样都无，突然断左点菜系统⋯或者系我哋picky，我哋应该尽客人义务，唔可以依赖服务员，要时刻睇住时间，或者校返个闹钟咁。
无论如何，食材、服务都为我呢个寿星蒙上大大片阴影面积，亦好愧疚向同行友人们推荐左呢间餐厅⋯生意唔好都可以经营得咁随心所欲，我就唔会再贴钱买难受，大家都三思而行啦～
张贴
