影片
更多
2017-05-01
1186 浏览
有朋友同我讲，只要见到我食嘢个样就会特别开心，特别钟意同我食饭。系架我个人冇乜用脑谂野，除咗工作嘅时间之外，基本上个脑平时系唔会转架，钟意笑就笑，喊就喊，好食就会感动到喊，唔好食都会Keke咁样完。一见到美食眼睛就会离不开。简单得很。今日有跟住朋友嘅大队，泥到我好少有机会去嘅流浮山。食我觉得好奢侈又好满足嘅海鲜大餐。一路入嚟嘅时候我谂左好耐究竟呢度系边度呢？佢哋就话系元朗同屯门附近嘅唔知边度啦。是但啦最紧要就系呢一度嘅海鲜十分之正，尤其系呢一间餐厅。听讲佢哋嘅鸡十分之出名不过要预订架！今次冇订到唯有下次再试啦！排名不分先后食咗好多个菜，豉椒炒圣子用上比较细嘅圣子更加鲜甜，镬气超劲。仲要系啖啖爽甜嘅圣子，无沙咖的! 当我见到呢一碟虾嘅时候真系好感动，最主要嘅原因就系我知道佢虽然样子不讨好但系系鲜甜美味嘅九节虾。咬落去十分之弹牙，鲜甜到一口气食咗10只。蒜蓉粉丝蒸开边象拔蚌仔，呢啲size嘅象拔蚌仔最适合就系蒜蓉粉丝豉油蒸了。爽甜得很清洁得好干净，粉丝索晒鲜味。正！接着系豉油王大虾，唔好睇佢系普通大虾，系用上成＄100.1只的花竹虾，入口特别弹牙，配上中式地道嘅豉油王风味，外皮脆到当薯片食
今日有跟住朋友嘅大队，泥到我好少有机会去嘅流浮山。食我觉得好奢侈又好满足嘅海鲜大餐。一路入嚟嘅时候我谂左好耐究竟呢度系边度呢？佢哋就话系元朗同屯门附近嘅唔知边度啦。是但啦最紧要就系呢一度嘅海鲜十分之正，尤其系呢一间餐厅。听讲佢哋嘅鸡十分之出名不过要预订架！今次冇订到唯有下次再试啦！
排名不分先后食咗好多个菜，
豉椒炒圣子用上比较细嘅圣子更加鲜甜，镬气超劲。仲要系啖啖爽甜嘅圣子，无沙咖的!
当我见到呢一碟虾嘅时候真系好感动，最主要嘅原因就系我知道佢虽然样子不讨好但系系鲜甜美味嘅九节虾。咬落去十分之弹牙，鲜甜到一口气食咗10只。
蒜蓉粉丝蒸开边象拔蚌仔，呢啲size嘅象拔蚌仔最适合就系蒜蓉粉丝豉油蒸了。爽甜得很清洁得好干净，粉丝索晒鲜味。正！
接着系豉油王大虾，唔好睇佢系普通大虾，系用上成＄100.1只的花竹虾，入口特别弹牙，配上中式地道嘅豉油王风味，外皮脆到当薯片食都得啊！里边仲好多膏好惹味！
你睇吓几咁大只！
炒头腩又系好不错，外皮炸得香脆，粉又唔会太多。绝对唔会浪费任何部位，务求食得更滋味。
避风塘炒赖尿虾，虽然呢一只唔系超级大𠮶只size，原来呢呢个size做避风塘炒就最啱，10分之多高而且好容易食只需要剪开个壳就可以成条抽出。啖啖肉嘅滋味感觉。
呢个奄仔蟹系呢个季节必食膏多肉厚，盐焗嘅方法令到思薇更加突出。系必食之选。
最后仲比我遇到上次喺屯门遇到嘅蝴蝶蚌，直情感动到呢！用上咸菜煮，同样鲜味突出又弹牙。
买单几多钱唔知，我净系知道呢一餐饭每一个菜都好好食，听朋友讲话价钱系物超所值架，不过最紧要就系要记得订枱。
我的快乐好简单，对自己喜欢嘅人好，食喜欢食嘅食物，煮好食嘅嘢食同人分享，享受喜欢嘅音乐，和只有我的猫猫睡在一起。不求甚么。
张贴
