聚滿坊粥底火鍋私房菜 (已搬遷) 新店位置

今次呢间粥底火锅系朋友带我嚟既，朋友话佢食咗好多次都觉得好好味，一定要带我地嚟试下。呢间餐厅得两只餐选择，一只系$218特惠版同$288星级版，星级版既有多啲同唔同既海鲜，我地就叫左特惠版。佢会跟返有几多食俾返相等既份量你，下面既相都系四个人既份量。好快就倒咗汤同𩠌俾我地，啲海鲜全部都好新鲜，蚬同鲍鱼都系郁既，而虾更加生猛到系咁跳，要揾个盖遮住先得。最钟意系啲圣子，食落去劲爽，好好味！牛肉都好好食，几厚，唔似出面好薄既肥牛。菜类～食完晒啲𩠌之后就会俾埋油条你，再帮你"不"走汤入面啲油，加粥落去～～呢度既职员都好有礼貌好亲切，见我地唔知每一样嘢要放几耐先可以食都好细心咁一样一样话我地知。