潮福蒸氣石鍋 (已結業)

今日同屋企人去左大埔探亲戚，晚饭系埋呢边食，屋企人之前食过呢间潮福蒸气石锅分店觉得唔错，所以试下大埔呢间。搭lift上到二楼都几方便，上到去地方都几大，我地一行7人坐大圆枱，座位宽敞，坐得都舒服。叫左海鲜定食火锅放题，无限时任食火锅，价钱唔算贵。套餐有三种定食，海鲜拼盘：龙趸、海虾、美国桶蚝、贵妃蚌、圣子皇、黄刀贝；安格斯牛肉同三文鱼象拔蚌刺身。先黎三文鱼同象拔蚌刺身拼盘，三文鱼好肥美，象拔蚌都好新鲜。酱油配料有得任攞，可以自己调配自己钟意嘅酱汁。海鲜拼盘好丰富：海虾好大只，啖啖肉。龙趸肉好滑，好有鱼香味。美国蚝肥美大只。贵妃蚌、圣子皇同黄刀贝都好新鲜，味道鲜甜。安格斯牛肉花纹好靓，厚薄适中，肉香嫩滑。仲有好多其他火锅配料可以任叫任食。