影片
更多
2009-04-22
225 浏览
早几日师傅相约一班好友于家中耍乐, 而饭局当然系重要嘅一环, 所以不容忽视, 于是师傅得闲就谂下定去边度食野同埋食咩好, 最后觉得近近地冇理由唔黎呢度食番餐架, 于是就胆粗粗拣左呢间食店, 加上见到各食家对呢间食店嘅有赞冇弹, 应该信得过, 去马啦!准时去到, 师傅亦不敢怠慢, 即刻去拣下有咩靓海鲜; 见到呢度嘅海鲜选择颇多, 各式其式应有尽有, 最后睇啱拣啱就开餐啦! 当晚菜式有上汤龙虾伊面底(两只), 砵酒焗生蚝, 果皮蒸鲍鱼, 辣酒煮花螺, 豉椒炒圣子, 蒸海班两条(苏鼠班, 花英班), 蒜蓉粉丝蒸贵妃蚌, 虾酱通菜同埋招牌炒饭, 而呢间食店仲送多一锅海鲜汤!率先登场嘅系砵酒焗生蚝, 生蚝身比较细只, 但肉质新鲜加上膏都几肥美, 用砵酒焗甜甜脆脆, 作为开场嘅第一道菜, 著实不错; 接住落黎就系上汤龙虾伊面底, 本来封笔食家"今餐食乜好"想食芝士焗, 但呢间食店建议用上汤, 于是又试下啦, 上汤出黎嘅效果非常好, 皆因上汤味道唔会太浓, 食到龙虾嘅鲜甜, 加上龙虾肉身爽口又唔韧, 绝对出色; 豉椒炒圣子虽然系一道好普通嘅菜式, 但呢间食店一d都唔马虎, 豉椒真的炒得香口, 非常惹
准时去到, 师傅亦不敢怠慢, 即刻去拣下有咩靓海鲜; 见到呢度嘅海鲜选择颇多, 各式其式应有尽有, 最后睇啱拣啱就开餐啦! 当晚菜式有上汤龙虾伊面底(两只), 砵酒焗生蚝, 果皮蒸鲍鱼, 辣酒煮花螺, 豉椒炒圣子, 蒸海班两条(苏鼠班, 花英班), 蒜蓉粉丝蒸贵妃蚌, 虾酱通菜同埋招牌炒饭, 而呢间食店仲送多一锅海鲜汤!
率先登场嘅系砵酒焗生蚝, 生蚝身比较细只, 但肉质新鲜加上膏都几肥美, 用砵酒焗甜甜脆脆, 作为开场嘅第一道菜, 著实不错; 接住落黎就系上汤龙虾伊面底, 本来封笔食家"今餐食乜好"想食芝士焗, 但呢间食店建议用上汤, 于是又试下啦, 上汤出黎嘅效果非常好, 皆因上汤味道唔会太浓, 食到龙虾嘅鲜甜, 加上龙虾肉身爽口又唔韧, 绝对出色; 豉椒炒圣子虽然系一道好普通嘅菜式, 但呢间食店一d都唔马虎, 豉椒真的炒得香口, 非常惹味, 加上圣子真系好鲜, 炒完之后肉身依旧爽口, 一d都唔韧, 绝对唔会似鹅肠, 掂呀! 坦白讲师傅唔算钟意食圣子, 但呢间食店令师傅改观!
好味到停唔到口, 跟住就到果皮蒸鲍鱼登场, 鲍鱼本身好大只, 师傅起初都有d惊, 但见食店信心十足咁话用果皮蒸, 就信佢一次啦, 果皮都几香但绝对唔会过火, 而鲍鱼蒸得洽到好处, 肉身松软, 但一d都唔韧, 而且仲有鲍鱼味, 劲正; 蒸海班两条(苏鼠班, 花英班), 两条都系一斤多少少重, 用黎蒸真系一流, 两条师傅都有食过, 但始终觉得苏鼠班较正, 皆因肉身较滑, 较好味; 花英班都唔差, 不过相比之下就差左少少, 所以呢个回合苏鼠胜!
师傅睇完之前位食家话辣酒煮花螺可以不试, 本来都冇谂住试, 但食神话试下, 于是又试一试啦, 出黎嘅感觉非常好, 辣酒煮得好香, 酒味香配上少少辣, 净系个汁都极其惹味, 加上花螺肉身爽口, 又鲜甜又冇沙, 绝对出色, 送酒更是一流; 师傅觉得并唔系每间食店都可以做到咁嘅水准, 好彩有试, 如果唔系走宝; 蒜蓉粉丝蒸贵妃蚌都几大只, 蒜蓉味唔算特别浓味, 不过师傅相信系呢间食店特登咁煮, 皆决咁样就唔会比蒜蓉掩盖左贵妃蚌嘅鲜甜, 不错!
虾酱通菜简单嘅菜式, 但能够煮到有虾酱味但又唔会咸, 加上通菜嫩绿, 非常好味; 招牌炒饭就一d都唔油, 炒得好干身, 而饭系虾仔饭, 真系一粒粒唔觉得d饭黏埋一齐, 得㖞! 最后系海鲜汤, 料师傅冇咩睇过同食过, 但汤就有饮, 热辣辣入口唔腥, 但一d胡椒味都冇, 作为海鲜汤唔腥真系好难得, 加上送嘅绝对收货!
总括黎讲食物质素非常出色, 海鲜真系好新鲜, 而环境都可以, 清清静静, 服务就一般啦, 楼面长期冇人, 连柯打啤酒汽水都要行落去, 价钱就算接受到, 埋单三千二百二十, 十二人食海鲜餐, 都几抵食啦, 仲要师傅成日当左十三个, 所以d份量柯打多左, 可则仲可以平d; 师傅对呢间食店真系有高度评价, 如果食海鲜黎呢度好过去西贡, 有机会一定会再黎, 笑脸比硬!
后记: 师傅本来谂住呢餐海鲜宴就系入伙酒, 点知最后一班好友点都要夹番份, 海鲜宴变自费餐, 师傅都唔知好嬲定好笑! 不过都多谢一班好友咁锡师傅, 同你地做朋友, 真系师傅嘅福份, 但一句到尾仲欠你地一餐!
张贴
