財記辣蟹私房菜

营业中

休息中

朋友生日想食海鲜，我梗系同佢去铜锣湾财记辣蟹私房菜。粟米鱼肚羹：用上正宗鱼肚来煲，食落不但唔会有雪味，而且粟米十分鲜甜，相比出面粟米鱼肚羹，依到整得十分惹味。豉椒炒蚬：用上本地大蚬炒制，加上豉椒味浓郁，师父唔会整得太辣，加埋白饭实在系必叫之选。椒盐九肚鱼：九肚鱼炸得十分金香，师父炸功之得，唔会食落太油，加上九肚鱼唔会太多骨，食落香口，送啤酒一流。蟹肉扒时蔬：用上原只蟹肉拆散来炒，食落不但蟹肉十足，而且唔会炒得太油，西兰花鲜甜，实在一流。总结，财记实在系海鲜专家，非常岩同朋友聚会既好地方，加上食物份量又多又大碟，真系抵食！