海天花園酒家

营业中

休息中

呢間餐廳話自己係華爾街入面推介嘅其中一間中菜館，就係呢一點吸引左我呢一個唔係住屯門嘅人入去試一試。 其實我都叫咗好多海鮮，但係我覺得海鮮只要夠新鮮其實就好好食，反而想介紹一下呢間餐廳入邊嘅廚品。首先講吓個撈起先，呢個係三文魚撈起要前一日預訂嘅，的確你係好好食，三文魚唔會聲而且加埋其他唔同嘅配菜好有口感。之後就講下嗰個叉燒啦，我覺得佢肥瘦適中而且好厚身，完全唔似出邊嗰啲餐廳買嘅叉燒，你食呢度嘅叉燒同出邊嘅叉燒比較，完全係有食緊火腿扒同埋火腿嘅比較，咁你話邊一個口感好啲啦？！仲要介紹嗰個炒飯，佢加左啲趣味落去炒個口感好好，平時會飽到食唔落個炒飯，但係佢好食到令我堅持食咗一碗。仲有個蒜香骨，南乳味好重識落唔會太油膩，都係好值得推介。總括而言，其實呢間酒樓都真係幾OK，不過就比較多大陸遊客來食，同埋煙味比較重，但嘢食係好好嘅。