緣味小聚 (93WYS)

营业中

休息中

有日同朋友倾起想食海鲜蒸气锅，佢就介绍咗一间喺观塘嘅伟业街嘅缘味小聚俾我。呢间系任食180分钟，可以慢慢叹慢慢食！今日就决定同屋企人嚟呢度试一试！首先，上咗个海鲜盛盘，真系好丰盛，起码有六款海鲜！蒸咗带子先，好肥美又鲜甜！跟住就蒸海生虾啦，我最钟意就系清蒸虾，因为清蒸虾可以令虾嘅肉质保持柔软，口感都会好嫩滑！轮到蒸肉蟹，daddy就最钟意食蟹㗎喇，蟹好鲜味同多肉，而且蟹肉都好嫩滑，仲要劲多蟹膏，daddy食到津津有味！呢度嘅小食都系任食，尤其佢个鸭肾，好惹味，今餐好鬼值得！