嘉彩酒樓 (已結業)

其实.....食海鲜去过好多地方，三圣都系第一次去食，上openrice睇下，都唔知边间好，由于一大班人去食海鲜，唔想有咩差错，所以保险d，都系去酒楼稳阵d好。嘉彩绝对唔系富丽堂皇，感觉有d旧旧地添，哩点其实我唔多介意同理会，反而我最担心冷气不足嘅问题亦无发生，佢地冷气好足够。拉大队去买海鲜，多得其中一位系其他餐厅嘅大厨，由佢发办就啱哂！辛苦哂！其中有两道海鲜特别要提吓，第一道系蒸果两条班，查实自己唔多好食鱼，细个试过被鱼骨卡过喉咙啰，唔多唔少有D 童年阴影，所以除非好吸引同贵价鱼，否则有阴影唔食，蒸哩两条班，厨房时间掌握得好好，蒸到啱啱好熟，肉质好滑，相信功多艺熟，赞！更加要大赞系清蒸鲍鱼，都唔知食过几多次蒸过哂笼嘅鲍鱼，但今次食嘅蒸鲍鱼一d都唔靭，大喜！最后埋单连料前后加埋十几个人每人三百几，又饱又好味，抵！绝对无黎错！