Potluck Eatery

最近恋上Seafood Platter，某日朋友介绍话喺佐敦有间新开数月嘅打卡餐厅，𠮶度唔止环境靓，仲有海鲜拼盘食，所以今日又同老公嚟咗呢间Potluck Eatery撑枱脚。 餐厅一入门口就已经见到靓靓嘅打卡位，而我最钟意嘅就系又大又圆嘅月亮，非常浪漫。呢度有二人或者四人套餐，亦有set dinner可供选择，我哋当然二话不说就拣咗海鲜拼盘二人套餐。点餐之后店员好快就送上餐汤同餐包。是日餐汤系洋葱薯仔汤，味道清新而且充满洋葱嘅甜味。蒜蓉包仍带余温，配合蒜蓉牛油加香草嘅味道，连餐包都咁好食。套餐仲包括咗烟三文鱼意大利黑醋沙律，烟三文鱼堆砌成玫瑰花嘅形状，卖相吸引。然后就到手摇秘制酱汁海鲜拼盘出场，酱汁充满蕃茄嘅香味，亦带少少辣，酱汁已经均匀地包围着每一件海鲜，然后再用一只小锅奉上。而且份量相当丰富，除咗有主角波士顿龙虾之外，仲有大虾4只、鲜鲍鱼2只、纽西兰青口2只，同数唔完嘅炭烧八爪鱼同大蚬。食材全部新鲜，而且肉厚肥美。最后仲有甜品，Blueberry Cheesecake份量适中，充满浓郁芝士味道。餐饮拣咗热美式咖啡同冻柠茶，个人觉得呢个美式咖啡又大杯又抵饮，爱好黑咖啡嘅朋友就一定要