影片
更多
2021-04-25
123 浏览
最近喺荃湾发掘左新开嘅泰国任食流水虾喺正荃湾千色隔离，地理位置十分方便餐厅分时段入座我就订咗五点去食餐厅环境充满泰国风情仲播住泰文歌店员安排咗我地坐虾缸旁边嘅位置可以直接坐喺座位就可以夹到虾😄枱面上会有冰桶用嚟浸晕生猛嘅虾另外仲会有手套湿纸巾提供方便剥壳个炉火力好猛啲虾一放落去好快就熟我自己会预先剪好晒虾须一次过烧就好快有得食再加埋泰式嘅绿色海鲜酱汁真系超级鲜甜我谂我自己都食咗差唔多30只另外仲有鲍鱼带子呢度嘅鲍鱼真系洗得超级干净连侧边都系白雪雪而且好新鲜带子又系very good够大只呢度连刺身都系任食食完唔够可以同店员讲再refill刺身嘅味道都唔错正常货色店员细心提醒鲍鱼同带子嘅外壳好容易烧㶶所以未系全熟嘅时候要拆出来店员哥哥仲好好人帮我哋拆埋外面仲有自助海鲜全部都系任食有蚝、大蚬、带子、八爪鱼等全部都系超级大只食多几次都已经返本全部质素都系超级新鲜旁边雪柜仲有不同嘅蔬菜同肉类都系大部份烧烤会见到嘅食材呢度有汉堡扒真系不得了🤤🤤🤤鸡翼都有几款唔同嘅味道试咗黑椒同埋麻辣味黑椒鸡翼味道腌得唔错麻辣味真系太辣我本身食开小辣真系辣到顶唔顺再行入少少系熟食区有冬阴功、炒饭、粉面自助最入仲有
喺正荃湾千色隔离，地理位置十分方便
餐厅分时段入座
我就订咗五点去食
餐厅环境充满泰国风情
仲播住泰文歌
店员安排咗我地坐虾缸旁边嘅位置
可以直接坐喺座位就可以夹到虾😄
枱面上会有冰桶用嚟浸晕生猛嘅虾
另外仲会有手套湿纸巾提供
方便剥壳
个炉火力好猛
啲虾一放落去好快就熟
我自己会预先剪好晒虾须
一次过烧就好快有得食
再加埋泰式嘅绿色海鲜酱汁
真系超级鲜甜
我谂我自己都食咗差唔多30只
另外仲有鲍鱼带子
呢度嘅鲍鱼真系洗得超级干净
连侧边都系白雪雪
而且好新鲜
带子又系very good
够大只
呢度连刺身都系任食
食完唔够可以同店员讲再refill
刺身嘅味道都唔错
正常货色
店员细心提醒鲍鱼同带子嘅外壳好容易烧㶶
所以未系全熟嘅时候要拆出来
店员哥哥仲好好人帮我哋拆埋
外面仲有自助海鲜全部都系任食
有蚝、大蚬、带子、八爪鱼等
全部都系超级大只
食多几次都已经返本
全部质素都系超级新鲜
旁边雪柜仲有不同嘅蔬菜同肉类
都系大部份烧烤会见到嘅食材
呢度有汉堡扒真系不得了🤤🤤🤤
鸡翼都有几款唔同嘅味道
试咗黑椒同埋麻辣味
黑椒鸡翼味道腌得唔错
麻辣味真系太辣
我本身食开小辣
真系辣到顶唔顺
再行入少少系熟食区
有冬阴功、炒饭、粉面自助
最入仲有炸物柜
左下角圆形𠮶个系榴梿炸弹
真系超级正
竟然任食有依个食❤️❤️❤️
虽然有少少太油
但系依然好好味😋
去饮品柜旁边有泰式小食同甜品
有泰式凤爪、椰汁糕
椰青就要另外收费嘅
佢哋嘅椰汁糕好有泰国风味
咸咸甜甜味道唔错👍🏻
埋完单行到去电梯口先发现原来有雪糕柜
入边系Coco Berry 波波雪糕
店员哥哥见到我望住啲雪糕
仲好好人叫我攞多两个坐喺旁边空位食埋先
整体感觉呢间餐厅十分唔错
环境干净企理
虾嘅补充速度都非常快
店员见到枱旁边嘅虾缸开始少虾
就会即刻补返一大桶
而且服务都好好
会喺旁边帮你处理海鲜👍🏻
整体性价比不错
一个人388有七折
食足两个钟净系食海鲜都回本
不过唯一有个小缺点就系自助区食物好多冇标签
单纯靠肉眼睇唔知道系乜嘢
张贴
